एप्पलले आफ्नो एप स्टोरलाई थप २० देशहरुमा बिस्तार गर्ने

Technology Khabar १३ चैत्र २०७६, बिहीबार

एप्पलले आफ्नो एप स्टोरलाई थप २० देशहरुमा बिस्तार गर्ने

टेक कम्पनी एप्पलले एप स्टोरलाई थप २० नयाँ देशहरुमा लन्च गर्ने घोषणा गरेको छ । कम्पनीले आफ्नो डेभलपर वेबसाइटमा एउटा पोस्ट गर्दै सो जानकारी दिएको हो ।

कम्पनीले हाल १५५ देशहरुमा एप्पल एप स्टोर पुगेको बताउँदै थप २० देशहरुमा सन् २०२० भित्रै एप स्टोर बिस्तार गर्ने बताएको छ । ‘२० नयाँ देशहरुमा सपोर्ट आउँदैछ, जसले तपाईँको प्रभाव र तपाईँकोव्यवसायलाई नयाँ बजारमा बिस्तार गर्नेछ,’ कम्पनीले भनेको छ ।

कम्पनीले नयाँ देशहरुमा एप स्टोर बिस्तारसँगै आफ्ना डेभलपरहरुका लागि पनि नयाँ नियम ल्याएको छ । जसअन्तरगत नयाँ देशहरुमा एप डेभलपरहरुले बिस्तार गर्नको लागि प्रोग्राम लाइसेन्स एग्रिमेन्टको अपडेटलाई स्विकार गर्नुपर्नेछ ।

कम्पनीकाअनुसार नयाँ प्रकृयालाई डेभलपरहरुले आगामी अप्रिल १० भन्दा अगाडि नै स्विकार गर्नुपर्नेछ भने डेभलपरहरुले नयाँ लोकेसनहरुमा आफ्ना एप उपलब्ध हुनेगरि सुनिश्चित पार्नुपर्नेछ ।

एप्पलको डेभलपर एग्रिमेन्टअनुसार अफगानिस्तान, माल्दिभ्स, जर्जिया, इराक, लिबिया, म्यानमार, रुवाण्डा, जाम्बियालगायत २० देशहरु रहेका छन् । एजेन्सी

प्रकाशित: १३ चैत्र २०७६, बिहीबार

Leave a Reply

Loading...