टिकटकका प्रयोगकर्तालाई झड्का, आगामी ३० दिनसम्म एचडी भिडियो प्लेब्याकमा रोक

Technology Khabar १३ चैत्र २०७६, बिहीबार

टिकटकका प्रयोगकर्तालाई झड्का, आगामी ३० दिनसम्म एचडी भिडियो प्लेब्याकमा रोक

शर्ट मोबाइल भिडियो शेयरिङ्ग प्लेटफर्म टिकटकले हाई डेफिनिसन भिडियो प्लेब्याकमा अस्थाईरुपमा रोक लगाएको छ । कम्पनीले विश्वभर कोरोनाभाइरसको महामारीका बिच इन्टरनेट ब्याण्डविथको खपत बढेसँगै एचडी भिडियोमा रोक लगाएको हो ।

टिकटकमा आगामी ३० दिनका लागि यूजर्सले एचडी भिडियो प्ले गर्न पाउनेछैनन् । हाल यो नियम कम्पनीले यूरोपका लागि मात्र लागु गरेको भएपनि आगामी दिनमा विश्वभर लागु गर्नसक्ने अपेक्षा गरिएको छ ।

यसअघि फेसबुक, इन्टाग्राम, यूट्यूब, नेटफ्लिक्स लगायतले विश्वभर भिडियोको बीटरेट घटाउने घोषणा गरेका थिए ।

नेपालमा पनि लकडाउनको अवस्था भएको बेलामा भिडियो कन्टेन्टको माग सबैभन्दा धेरै रहेको मोबाइल अपरेटरहरु तथा इन्टरनेट सेवा प्रदायकहरुको भनाई रहेको छ । घरमा नै बसेर मानिसहरु सोशल नेटवर्किङमा जोडिने र भिडियो स्ट्रिमिङमा जोडिएका हुँदा ब्याण्डविथको खपत बढिरहेको छ ।

जसले गर्दा इन्टरनेट ट्राफिक र ब्याण्डविथको खपत शतप्रतिशतसम्म वृद्धि भएको छ ।

प्रकाशित: १३ चैत्र २०७६, बिहीबार

Leave a Reply

Loading...