यूट्यूबको इन्टरनेट नेटवर्कमा दबाब कम बनाउने प्रयासः विश्वभर भिडियोहरुको क्वालिटी घटायो

Technology Khabar १२ चैत्र २०७६, बुधबार

यूट्यूबको इन्टरनेट नेटवर्कमा दबाब कम बनाउने प्रयासः विश्वभर भिडियोहरुको क्वालिटी घटायो

अल्फाबेट इंक अन्तरगतको भिडियो प्लेटफर्म यूट्यूबले अब विश्वभर भिडियोको क्वालिटी घटाएको छ ।

कम्पनीले अहिलेदेखि नै विश्वभरका यूजर्सका लागि स्ट्याण्डर्ड डेफिनिसनलाई डिफल्टको रुपमा बनाएको हो । यसअघि यूजर्सले सामान्यतया हाई डेफिनिसनमा भिडियोहरु हेर्न सक्दथे ।

यूट्यूबको यो कदम विश्वभर करोडौं मानिसहरु घरमा नै लकडाउन भएको अवस्थामा हुने इन्टरनेट पूर्वाधारहरुमाथिको दबाबलाई कमगर्ने उद्धेश्यले आएको हो ।

कम्पनीको यो नयाँ कदम विश्वभर मंगलबारदेखि नै रोलआउट हुन शुरु गरेको छ र करिब ३० दिनसम्म कायम हुनेछ । विश्वभर कोरोनाभाइरसको त्रासका बिचमा करोडौं मानिसहरु घरमा नै लकडाउन भएर बसेका छन् ।

यूट्यूबले जारी गरेको स्टेटमेन्टअनुसार कम्पनीको यो कदम अनपेक्षित अवस्थाको यो अवस्थामा सिस्टममाथि कम भन्दा कम दबाब बनाउने प्रयास हो ।

तर यूजरहरुले अझैपनि आफूले चाहेको अवस्थामा म्यानुअलि उच्च रिजोलुशनमा भिडियो हेर्नसक्नेछन् ।

यसअघि नै यूट्यूब र नेटफ्लिक्सले यूरोपमा भिडियोको क्वालिटी घटाउने बताईसकेका थिए ।

प्रकाशित: १२ चैत्र २०७६, बुधबार

Leave a Reply

Loading...