भारतमा कोरोनाको असर- विभिन्न कम्पनीहरुद्धारा आफ्ना स्मार्टफोन उत्पादन प्लान्ट बन्द

Technology Khabar ११ चैत्र २०७६, मंगलवार

भारतमा कोरोनाको असर- विभिन्न कम्पनीहरुद्धारा आफ्ना स्मार्टफोन उत्पादन प्लान्ट बन्द

यस समय कोरोना भाइरसबाट लगभग सम्पूर्ण विश्व प्रभावित छ। छिमेकी देश भारतको दिल्लीसहित धेरै राज्यहरूमा लकडाउनको घोषणा गरिएको छ।जसले गर्दा स्मार्टफोन उत्पादनमा पनि असर परेको छ ।

स्मार्टफोन उद्योग पनि कोरोना भाइरसको कारण प्रभावित छ। दक्षिण कोरियाली टेक कम्पनी सामसुङले केही दिनको लागि नोएडामा रहेको सबैभन्दा ठूलो प्लान्ट बन्द गर्दैछ। स्मार्टफोन मेकर सामसङको सबैभन्दा ठूलो निर्माण कारखाना नोएडामा छ र यहाँ हरेक वर्ष लाखौं स्मार्टफोनहरू बनाइन्छन्।

सामसङको यस प्लान्टमा हरेक वर्ष १२ करोड स्मार्टफोनहरू निर्माण गरिन्छ। कम्पनीले हाल यसलाई मार्च २३देखि २५ मार्च सम्म बन्द गरेको छ र कम्पनीले आफ्ना कर्मचारीहरूलाई घरबाटै काम गर्नका लागि पठाएको छ।

सामसङ बाहेक, ओपो, भीभो र एलजीको पनि भारतमा प्लान्ट छ, जसलाई कम्पनीहरूले केही समयको लागि बन्द गर्दैछन्। उत्तर प्रदेश सरकारले लकडाउन पनि घोषणा गरेको छ र यस अवधिमा व्यावसायिक गतिविधिहरू पनि बन्द हुने छ।

उत्तर प्रदेशका नोएडा र ग्रेटर नोएडामा अधिकांश कम्पनीहरूका प्लान्टहरू भएकाले त्यहाँ पनि काम प्रभावित हुनेछ। वर्तमानमा यी कम्पनीहरूले मार्च २५ सम्म बन्द गरेका छन्, तर अवस्थालाई ध्यानमा राख्दै कम्पनीले यसलाई अझ विस्तार गर्न सक्नेछन्।

मोबाइल उद्योगमा कोरोना भाइरसको प्रभावको बारेमा कुरा गर्दा इतिहासमै पहिलो पटक, विश्वव्यापी स्मार्टफोन बिक्री ३८ प्रतिशतसम्म घटेको छ। एजेन्सी

प्रकाशित: ११ चैत्र २०७६, मंगलवार

Leave a Reply

Loading...