नोटबाट कोरोनाभाइरस फैलने डर, भारतमा डिजिटल पेमेन्ट अपनाउन केन्द्रिय बैंकको सल्लाह

Technology Khabar ५ चैत्र २०७६, बुधबार

नोटबाट कोरोनाभाइरस फैलने डर, भारतमा डिजिटल पेमेन्ट अपनाउन केन्द्रिय बैंकको सल्लाह

भारतको रिजर्भ बैंक अफ इन्डिया (आरबिआई) ले आफ्नो प्रेस कन्फ्रेन्समा भारतीय जनतालाई नगदको सट्टा डिजिटल पेमेन्ट अपनाउन र यसको प्रयोग अझ बढाउन सल्लाह दिएको छ ।

आरबीआईका गभर्नर शक्तिकान्ता दासले मानिसहरुलाई भिडभाड हुने ठाउँमा नजान र क्यासको सट्टामा डिजीटल वा अनलाईन पेमेन्ट अपनाउन सल्लाह दिँदै बाहिर गएर क्यासको प्रयोग गर्नु सट्टा घरमै बसेर मोबाइल, इन्टरनेट बैंकिंग वा कार्डसको माध्यमबाट पेमेन्ट गर्न सल्लाह दिएका हुन ।

यतिमात्रै नभई आरबिआईले यसैको लागी एक नोटिफिकेशन पनि जारी गरेको छ र यसलाई आरबिआईको वेबसाइटमा देख्न सकिने छ ।

आरबिआईले आफ्नो नोटिफिकेशनमा प्रष्ट रुपमा भारतीय जनतालाई नगदरहित डिजिटल पेमेन्ट्स अप्शनको माध्यमबाट सामान खरिदको भुक्तान गर्न सकिने उल्लेख गरेको छ ।

यसबाहेक आरबिआईले कोरोनाभाइरस महामारीलाई फैलनबाट रोक्नको लागी सामाजिक सम्पर्क कम गर्न र सार्वजनिक स्थानहरुमा नजान भन्दै घरबाट नै मोबाइल बैकिंग, इन्टरनेट बैकिंग, कार्डस आदिको माध्यमबाट आफ्नो पेमेन्ट गर्न आग्रह गरेको छ ।

हालसम्म क्यास करेन्सीको माध्यमबाट कहिँपनि कोरोना नफैलिएको भएतापनि भारतीय रिजर्भ बैंकले सम्भावित खतरालाई कम गर्न यस्तो नोटिफिकेशन नोट सार्वजनिक गरेको रिपोर्टहरुमा उल्लेख छ।

भारतमा हाल कोरोनाप्रकोपले मानिसको मृत्यु समेत भइसकेको छ र यसलाई नियन्त्रण गर्न भारत सरकारले आफ्नो तर्फबाट भरमग्दुर प्रयास गरिरहेको छ । एजेन्सी

TK Viber

प्रकाशित: ५ चैत्र २०७६, बुधबार

Loading...