एप्पललाई फ्रान्समा १.२ बिलियन डलर जरिवाना, बजार एकाधिकार गरेको आरोप

Technology Khabar ४ चैत्र २०७६, मंगलवार

एप्पललाई फ्रान्समा १.२ बिलियन डलर जरिवाना, बजार एकाधिकार गरेको आरोप
Classic Tech

फ्रान्स सरकारको टेक नियामक निकाय (प्राधिकारण) ले अमेरिकी टेक कम्पनी एप्पललाई फ्रान्सको इतिहासकै सबैभन्दा ठुलो जरिवाना लगाएको छ ।

प्राधिकरणले एप्पललाई १.२ बिलियन डलर जरिवाना तिर्न आदेश दिएको हो । प्राधिकारणले एप्पललाई फ्रान्सका दुई होलसेलरहरुसँग मिलेर मुल्य नियन्त्रण गर्न गरेको गैरकानुनी सम्झौताको विषयमा जरिवाना गरेको हो ।

फ्रान्समा एप्पल सम्बन्धित यस घटनाको सुरुवात सन् २०१२ मा एबिकुसले फ्रान्स सरकारको टेक नियामक निकायलाई उजुरी गरेबाट भएको हो । र यसबारेमा प्राधिकरणले २०१२ देखि नै अनुसन्धान सुरु गरेको थियो । त्यस बखत उजुरी गर्ने रिसेलरले यहाँको होलसेलर एप्पलसँग मिलेको र एक अर्कासँग प्रतिस्प्रर्धा नगरेको आरोप लगाएका थिए ।

फ्रान्सेली टेक नियामक निकायका अनुसार एप्पलले आफ्ना साझेदारहरुसँग अनुचित व्यवहार गरेको र स्टोर रहेको तुलनामा कम मात्रामा आइप्याड लगायत सामानहरु उपलब्ध गराएको हो । यसबाट बजारमा प्रतिस्पर्धा कम हुनुका साथै यसले आधा समानको मुल्य नियन्त्रण भएको थियो ।

त्यस्तै एप्पलले भने फ्रान्स सरकारले लगाएको यस जरिवानालाई निराशजनक भनेको छ र कम्पनी ले आफुहरुले यस विरुद्द अपिल गर्ने जनाएको छ ।

फ्रान्स टेक नियमक निकायले एप्पललाई लगाएको जरिवाना हालसम्म कै ठुलो जरिवाना हो । यसअघि प्राधिकरणले गूगललाई अपारदर्शि विज्ञापन नियमका कारण १५० मिलियन युरो (१६७ मिलियन डलर) जरिवाना लगाएको थियो । एजेन्सी

TK Viber

प्रकाशित: ४ चैत्र २०७६, मंगलवार

Loading...