भारतीय अपरेटर जियोले बायोमेट्रिक्समा आधारित हाजिरी रोक्यो, भाईरस सर्नबाट रोक्ने प्रयास

Technology Khabar २७ फाल्गुन २०७६, मंगलवार

भारतीय अपरेटर जियोले बायोमेट्रिक्समा आधारित हाजिरी रोक्यो, भाईरस सर्नबाट रोक्ने प्रयास

काठमाडौं ।

हाल विश्वमा कोरोनाभाइरसको समस्या दिनप्रतिदिन बढ्दै गईरहेको छ । यसको संक्रमण भारतमा समेत देखिएको छ । यसै तथ्यलाई ध्यानमा राख्दै भारतको टेलिकम कम्पनी जियोले अबदेखि कर्मचारीहरुले अफिसमा बायोमेट्रिक्समा आधारित हाजिरी गर्नुपर्ने व्यवस्थालाई हटाएको छ ।

कम्पनीले यस्तो निर्णय भारतमा फैँलदो क्रममा रहेको कोरोनाभाइरसलाई मध्यनजर गर्दै लिइएको जनाएको छ । कम्पनीले आफ्नो कर्मचारीहरुलाई अबदेखि अटेन्डेन्स जियो बीटा प्लानरको माध्यमबाट गरिने बताएको छ ।

जियका एचआरले अफिसमा कर्मचारीहरुलाई कोरोनाभाइरसको कारण उत्पन्न भएको यस्तो अवस्थालाई मध्यनजर गर्दै सबैको लागी यस्तो सुरक्षा उपाय अपनाउन जरुरी रहेको बताएका हुन् । कम्पनीमा अबबाट अटेन्डेन्स जियो बीटा प्लानरबाट हुने छ जुन अप्रुभ हुने छ ।

यसअघि नै भारत सरकारले सबै टेलिकम कम्पनीहरुलाई ३० सेकेन्डको कलर ट्युन बजाउन निर्देशन दिएको छ । जसबाट मानिसहरु कोरोनाबाट जागरुक हुने विश्वास लिइएको छ ।

हाल भारतमा कोरोना संक्रमितको संख्या ४० भन्दा बढि पुगेको छ । यसको जानकारी भारतका केद्रिय मन्त्रालयका स्वास्थ्य अधिकारीले सोमबार दिएका हुन । अधिकारीहरुले दिल्ली, उत्तर प्रदेश र जम्मु काश्मिरमा एक–एक गरि हालै तिन नयाँ संक्रमित समेत फेला परेको जनाएका छन । साथै उनिहरुले भारतमा हालसम्म भाइरसको कारण कसैको पनि मृत्यु नभएको समेत जनाएका छन । एजेन्सी

easy care

प्रकाशित: २७ फाल्गुन २०७६, मंगलवार