यस्ता ईमेलहरुमा कहिले पनि क्लिक नगर्नुस्, नत्र ह्याकरहरुले चोर्लान् तपाईँको डाटा

Technology Khabar २७ फाल्गुन २०७६, मंगलवार

यस्ता ईमेलहरुमा कहिले पनि क्लिक नगर्नुस्, नत्र ह्याकरहरुले चोर्लान् तपाईँको डाटा

प्रत्येक दिन प्रयोगकर्ताको अगाडि केहि यस्ता ईमेलहरु आउने गर्दछन जसमा क्लिक गर्ने वा नगर्ने भन्ने कुरामा प्रयोगकर्ताहरु सोच्न थाल्दछन्।

धेरैजसो ईमेलहरु प्रमोशन र प्रयोगकर्तालाई धोका दिने खालका हुने गर्दछन भने केहि ईमेलहरुमा क्लिक गर्दा प्रयोगकर्ताको सिस्टम ह्याक हुन पनि सक्दछ । यस्तोमा हामी आज यस्तै केहि फेक ईमेलहरुको बारेमा जानकारी दिदै छौ जसबाट प्रयोगकर्ताहरु टाढै रहनु पर्दछ।

आजकल क्रेडिट कार्डको प्रयोग अधिकतम हुने गर्दछ । तर धेरै पटक यस्ता ईमेलहरु पनि आउने गर्दछन जसमा प्रयोगकर्ताको क्रेडिट कार्ड बैकले उनिहरुको घरमा पुर्याईदिएको र डेलिभरीको लागी उनिहरुले पठाएको फर्म भर्न भनिएको हुन्छ । तर यर्थाथमा कुनैपनि बैंकले आफ्ना ग्राहकहरुलाई यस्तो उल्लेख गरिएको कुनैपनि प्रकारको ईमेलहरु पठाउने गर्दैनन् । स्मरण रहोस यस्तो ईमेल त्यस्ता मानिसहरुलाई पनि आउने गर्दछ जसले क्रेडिट कार्डको लागी आवेदन नै गरेका हुँदैनन् ।

प्रयोगकर्ताहरुलाई कहिलेकाँहि चिट्ठामा लाखौं रुपैयाँ परेको भन्ने जस्ता ईमेलहरु पनि आउने गर्दछ । यस्तोमा प्रयोगकर्ताहरु सचेत रहनु पर्दछ । किनभने यस्ता मेलहरुले प्रयोगकर्तालाई ठग्ने र उनिहरुको अकाउन्टलाई ह्याक गर्न पनि सक्ने छ । यस प्रकारको ईमेलहरुमा क्लिक गर्नुपहिले यसको सब्जेक्ट लाइनलाई ध्यान दिएर पढ्ने गरौं ।

प्रयोगकर्ताको इनबक्स वा स्पाममा कुनै चिजको लागी अनुरोधको लागी मेलहरु आउने गर्दछ । यसमा धेरैजसो मेलहरु एनजिओको नामबाट आउने गर्दछ । तर यथार्थमा भने कुनै पनि एनजिओहरुले यस प्रकारको मेलहरु पठाएका हुँदैनन् । यस्तोमा प्रयोगकर्ताले यस प्रकारको मेलहरुमा झट्ट क्लिक गरिहाल्नु मुर्खता हुन सक्ने छ । यस्ता ईमेलहरुलाई इनबक्समा त्यसै रहनु दियौँ वा यसलाई डिलिट गर्ने गरौं ।

कुनै बेला महिनाको अन्त्यमा प्रयोगकर्ताहरुलाई यस्तो ईमेलहरुपनि आउने गर्दछ जसलाई ओपन गर्नको लागी उनिहरुको बैंक अकाउन्टको नम्वर एड गर्नुपर्ने हुन्छ । यस्ता ईमेलहरु कहिलेकाँहि बैंकबाट पनि आउने गर्दछ तर ह्याकरहरुले पनि यस्तो ईमेल पठाउने गर्दछन् । यस्तोमा प्रयोगकर्ताले बैंकसँग सम्पर्क गरेर मात्रै ईमेल ओपन गर्नु बुद्धिमानी हुन सक्दछ ।

TK Viber

प्रकाशित: २७ फाल्गुन २०७६, मंगलवार

Loading...