जापानी भाषा परीक्षाको अनलाईन फर्म भरी खल्तीमार्फत परीक्षाको शुल्क तिर्न सकिने

Technology Khabar २२ फाल्गुन २०७६, बिहीबार

जापानी भाषा परीक्षाको अनलाईन फर्म भरी खल्तीमार्फत परीक्षाको शुल्क तिर्न सकिने
Classic Tech

काठमाडौं । आगामी जुलाई ५, २०२० मा संचालन हुन लागेको जापानी भाषाको परीक्षा जेएलपिटि (JLPT) को आवेदन फर्म आज मार्च ५ तारिखदेखि खुलेको छ । साथै, उक्त परीक्षाको शुल्क अब खल्ती वालेट प्रयोग गरी अनलाईन मार्फत नै तिर्न सकिने भएको छ ।

खल्तीले जापान अध्ययन गर्न जान चाहने नेपाली विद्यार्थीहरुलाई भाषा सिकाउने र पढाउने शिक्षकहरुको संस्था जापानिज भाषा शिक्षक संगठन नेपालसँग सहकार्य गरी परीक्षाको शुल्क अनलाईनबाटै तिर्न मिल्ने सुविधा ल्याएको जानकारी दिएको छ ।

लेभल एन वान देखि एन५ सम्मका फर्म मध्ये आफूलाई अनुकुल कुनै एक फर्म भर्न सकिनेछ । परीक्षा शुल्क (ग्रान्ट अमाउन्ट) तीन हजार रुपैयाँ लाग्ने बताईएको छ ।

विगतका वर्षहरुमा परीक्षा शुल्क तिर्ने अन्य विकल्प नहुँदा परीक्षार्थीहरु जापानिज भाषा शिक्षक संगठन नेपालको कार्यालय भृकुटिमण्डप नै पुगेर घन्टौँ लाईन बसी शुल्क तिर्ने झन्झट गर्नु पथ्र्याे । यस समस्यालाई मध्यनजर गर्दै खल्तीले अनलाईन भुक्तानी प्रणालीको व्यवस्था गरेको हो । अब परीक्षार्थीले अनलाईन फर्म गरिसकेपछी शुल्क भुक्तानी गर्ने ठाउँ देख्नेछन् जहाँ आफ्नो खल्ती आइडी दाखिला गरी केहि सेकेन्डमै शुल्क भुक्तानी गर्न सकिने कम्पनीको भनाई छ ।

यसबाट परीक्षार्थीहरु लाभान्वित हुने खल्ती का निर्देशक अमित अग्रवालको बुझाइ छ । “हामी जापानिज भाषा शिक्षक संगठन नेपालसँग सहकार्य गरी सबै जापानी भाषा परीक्षार्थीलाई खल्तीको सजिलो अन्लाईन भुक्तानी सेवा प्रदान गर्न पाउँदा खुशी छौँ । अब परीक्षार्थीहरुले फर्म भरीसकेपछि आफ्नो खल्ती आईडी दाखिला गरेर सजिलै परीक्षा शुल्क तिर्न सक्नुहुन्छ । साथै, खल्ती प्रयोग नगर्ने व्यक्तिहरुले आफ्नो नजिकैको खल्ती पसलबाट उक्त शुल्क तिर्न सक्नुहुन्छ ।” उनले भने ।

जापानी भाषाको परीक्षा JLPT को आवेदन फर्म jlpt.org.np मार्फत भर्न सकिनेछ । साथै, फर्म भर्ने तरिका, ख्याल गर्नुपर्ने विवरणहरु र शुल्क तिर्ने सम्पूर्ण तरिकाहरु उक्त वेबसाईटमै प्राप्त गर्न सकिने कम्पनीले जनाएको छ ।

प्रकाशित: २२ फाल्गुन २०७६, बिहीबार

Comments are closed.

Loading...