फेसबुकले विश्व स्वास्थ्य संगठनलाई प्लेटफर्ममा निशुल्क विज्ञापन दिने, भ्रामक सूचनाहरु विरुद्ध लड्ने

काठमाडौं ।

काठमाडौं । फेसबुक इंकले विश्व स्वास्थ्य संगठनलाई आफ्नो प्लेटफर्ममा निशुल्क विज्ञापन प्रदान गर्नेभएको छ । फेसबुकले विश्वभर फैलिरहेको कोरोनाभाइरसको बारेमा गलत र भ्रामक सूचनाहरु रोक्नका लागि यूजर्ससम्म पुर्याउने गरि सहयोग गर्ने फेसबुकका प्रमुख कार्यकारी अधिकृत मार्क जूकरबर्गले बुधबार जानकारी दिएका छन् ।

‘हामी डब्लूएचओलाई कोरोनाभाइरबारे रेस्पोन्स गर्नेगरि उनीहरुको आवश्यकताअनुसार धेरै निशुल्क विज्ञापनहरु दिँदैछौं र साथै अन्य प्रकारको सहयोग पनि गर्दैछौं,’ जूगरबर्गले फेसुबक पोस्टमा भनेका छन् ।

फेसबुक यूजर्स जसले सो भाइरसको बारेमा पोस्टहरु सर्च गर्दछन उनीहरुले अब डब्लूएचओ वा अन्य स्थानिय स्वास्थ्य निकायहरुको सिधा लिंक भएको पछिल्लो जानकारीसहितको पप-अप हेर्नेछन् ।

यसका साथै फेसबुकले भ्रामक दाबी गरिएका र कन्सिपिरेसी थ्यौरी भएका जानकारीहरुलाई हटाउँदै कोरोनाभाइरस विरुद्धको भ्रामक र गलत सूचनाको बिरुद्धमा लड्ने बताए ।

https://www.facebook.com/zuck/posts/10111615249124441

फेसबुकले गएको फरबरीमा कोरोनाभाइरस नियन्त्रण गर्ने र सूरक्षा गर्ने दाबी गरिएका प्रडक्टहरु तथा अफरहरुका विज्ञापनमा प्रतिबन्ध लाउने बताएको थियो ।

अन्य सामाजिक संजालहरुले पनि यो भाइरसका विरुद्ध लड्न र सहि सूचना दिन कदम चालिरहेका छन् । कोरोनाभाइरसको विरुद्धमा लड्नका लागि हालै डब्लूएचओले टिकटकमा आफ्नो एकाउन्ट लन्च गरेको थियो ।