भीभोको अनौठो डिजाइनयुक्त फोन एपेक्स २०२० फरवरी २८मा लन्च हुने, अनलाइन इभेन्ट मात्र गरिने

काठमाडौं ।

काठमाडौं । भीभोले गतवर्ष आफ्नो प्रविधिको प्रदर्शन गर्दै एपेक्स २०१९ स्मार्टफोन पेश गरेको थियो । यो फोनमा कुनै बटन वा पोर्ट नदिई निकै अनौठो डिजाइनको बनाएको थियो । यूनिबडी ३डी डिजाइनमा बनेको भीभो एपेक्स २०१९ ले स्मार्टफोन बजारमा निकै चर्चा पाएको थियो ।

यसवर्ष पनि मोबाइल वल्र्ड कंग्रेश २०२० मा भीभोले एपेक्स फोनको नयाँ मोडल प्रदर्शन गर्ने तयारीमा रहेता पनि एमडब्लुसी स्थगित भएको कारणले यो पुरा भएको थिएन । तर हाल भीभोले आधिकारीक रुपमा भीभो एपेक्स २०२० स्मार्टफोनलाई आउँदो २८ फरवरीमा टेक क्षेत्रमा सार्वजनिक गर्ने घोषणा गरेको छ ।

भीभोले चिनियाँ माइक्रोब्लगिंग साइट विबोमा कम्पनीले २८ फरवरीमा आफ्नो नयाँ नेक्स्ट जेनेरेशन स्मार्टफोन एपेक्स २०२० सार्वजनिक गर्ने घोषणा गरेको हो । यस फोनको लन्चका लागी भीभोले कुनै इभेन्ट आयोजना भने गर्ने छैन् । यस फोनलाई अनलाइनमार्फत लन्च गरिने छ ।

भीभोले हालसम्म एपेक्स २०२० को स्पेसिफिकेशनहरुको कुनै जानकारी दिएको छैन्। तर फोनको टिजरबाट यो डिभाइस १२० हर्ज रिफ्रेश रेट भएको डिस्प्लेमा हुनेछ र फोनमा पेरिस्कोप जुम लेन्स भएको रियर क्यामरा रहने छ ।

भीभोको एपेक्स २०२० नेपाली बजारमा पनि प्रदर्शन हुनसक्ने संभावना रहेको छ । किनकी कम्नपनीले यसअघि पनि गत वर्ष भीभो एपेक्स २०१९ कन्सेप्ट फोन नेपाली बजारमा सिमित मिडियाहरुका बिचमा लन्च गरेको थियो । तर नेपालमा कहिले लन्च हुन्छ भन्ने बारेमा भने स्पष्ट छैन् ।

यसैबिच भीभोले गएको हप्ता विबोमा नै एक पोस्ट गर्दै कम्पनीले २९ फरवरीमा भीभो जेड६ ५जी नामको एक नयाँ स्मार्टफोन चिनियाँ मार्केटमा लन्च गर्ने बताएको थियो । यस स्मार्टफोनमा पञ्चहोल डिस्प्ले रहने छ । भीभो जेड६ को डिस्प्लेको तीन कर्नर बेजलमा रहने छ र भने तलतर्फ थोरै चौडा चेन पार्ट रहने छ ।

भीभो जेड६ ५जी स्मार्टफोनको ब्याक प्यानलमा क्वाड रियर क्यामरा सेटअप रहने छ । यस स्मार्टफोनमा कम्पनीले क्वालकमको स्न्यापड्रयागन ७६५ चिपसेट प्रयोग गर्ने कुरा यसको टिजर ईमेजमा उल्लेख गरिएको छ । महत्वपुर्ण कुरा यस चिपसेटले ड्युअल मोड ५जी नेटवर्क (एसए–एनएसए) सर्पोट गर्दछ । यस स्मार्टफोनमा पावर ब्याकअपको लागी ५,००० एमएएचको ब्याट्री रहेको छ जसले ४४ वाटको फास्ट चार्जिंगलाई सर्पोट गर्नेछ । एजेन्सी