सेल्फि क्यामरा नभएको स्मार्टफोन एमआई मिक्स अल्फा भारतमा लन्च गर्दै शाओमी

Technology Khabar १३ फाल्गुन २०७६, मंगलवार

सेल्फि क्यामरा नभएको स्मार्टफोन एमआई मिक्स अल्फा भारतमा लन्च गर्दै शाओमी
Classic Tech

काठमाडौं । चिनियाँ स्मार्टफोन मेकर कम्पनी शाओमीले आफ्नो नयाँ स्मार्टफोन एमआई मिक्स अल्फालाई केहि समय अघि आफ्नै घरेलु मार्केटमा लन्च गरेको थियो । कम्पनीले हाल यस स्मार्टफोनलाई अब भारतमा लन्च गर्ने तयारी गरिरहेको छ।

शाओमी इन्डियाको साइटमा यस फोनको ल्यान्डिंग पेजलाई स्पट गरिएको छ । जसबाट कम्पनीले चाँडै नै भारतीय मार्केटमा आफ्नो नयाँ स्मार्टफोनलाई लन्च गर्न सक्ने अनुमान लगाइएको छ । यद्पी कम्पनीको तर्फबाट भने भारतमा फोन लन्च गर्ने बारेमा कुनै अफिशियल जानकारी प्राप्त भएको छैन ।

यस फोनलाई सबैभन्दा पहिले कन्सेप्ट मोडलको रुपमा सेप्टेम्वर २०१९ मा शोकेश गरिएको थियो । त्यसपछि आफ्नो यूनिक डिजाइनबाट यो फोन निकै चर्चामा रहको थियो । कम्पनीले फोनमा सराउन्ड डिस्प्ले लगाएको छ जुन फोनको दुबैतर्फ बेरिएको छ । यसलाई अल ग्लास फोन पनि भन्ने गरिन्छ । चिनियाँ मार्केटमा यस फोनको मुल्य १९,९९९ यूअआन रहेको छ।

फोनमा ७.९२ इन्चको फ्लेग्जिबल ओएलईडि स्क्रिन रहेको छ । जसमा २०८८×२२५० पिक्सल रेज्योलुशनको सर्पोट रहेको छ । १२ जीबी र्याम र ५१२ जीबी स्टोरेज रहेको यस फोन एमआईयूआई अल्फा बेस्ड एन्ड्रोएड ओएसमा संचालन हुन्छ। यसमा क्वालकम स्नापड्रयागन ८५५ प्लस प्रोसेसरको प्रयोग गरिएको छ ।

फोटोग्राफीका लागी फोनमा १०८ मेगापिक्सेलको सामसङको एचएमएक्स सेन्सर रहेको प्राइमरी क्यामरा रहेको छ । त्यस्तै फोनको रियरमा २० मेगापिक्सलको वाइड एंगल क्यामरा र १२ मेगापिक्सलको पोर्ट्रेट शट क्यामरा रहेको छ । सबैभन्दा खास कुरा यस स्मार्टफोनमा सेल्फिको लागी फ्रन्टमा कुनैपनि प्रकारको क्यामरा सेन्सरको प्रयोग गरिएको छैन ।

फोनमा ४० वाटको फास्ट चार्जिंग सर्पोट रहेको ४०५० एमएएच पावरको ब्याट्री रहेको छ । कनेक्टिभीटिको लागी फोनमा वाईफाई ८०२.११, जीपीएस, ब्लूटूथ भर्जन ५, यूएसबी टाइप सी पोर्ट, वाईफाई डाइरेक्ट जस्ता फिचरहरु रहेको छ ।

शाओमीको यस एमआई मिक्स अल्फा स्मार्टफोनको तौल २४१ ग्राम रहेको छ । यस फोनमा एक्सिलेरोमिटर, जायरोस्कोप, प्रोक्सिमिटी सेन्सर, एम्बिएन्ट लाइट सेन्सर, टेम्प्रेचर सेन्सर र फिंगरप्रिन्ट सेन्सर जस्ता फिचरहरु रहेको छ । एजेन्सी

प्रकाशित: १३ फाल्गुन २०७६, मंगलवार

Comments are closed.

Loading...