चिनियाँ टेक कम्पनीहरुलाई भारतमा कडाई, सरकारी अनुमति बिना प्रोजेक्टहरुमा भाग लिन नपाउने

Technology Khabar १२ फाल्गुन २०७६, सोमबार

चिनियाँ टेक कम्पनीहरुलाई भारतमा कडाई, सरकारी अनुमति बिना प्रोजेक्टहरुमा भाग लिन नपाउने
Classic Tech

काठमाडौं । भारतको केन्द्र सरकारले चिनियाँ कम्पनीहरुलाई अब डिपार्टमेन्ट अफ टेलिकम्युनिकेशन (डिओटी) को अनुमति बिना भारतको कुनैपनि सरकारी टेन्डरहरुमा भाग लिन नपाउने बताएको छ । यसको जानकारी भारत सरकारले बुधवार एक सूचना जारी गर्दै दिएको हो ।

भारतका सरकारी प्रोजेक्ट जस्तै रेलवे, स्मार्ट सिटी मिशन, राज्य सरकारको फाइबर कनेक्टिभीटी प्रोजेक्ट, भारत नेट ग्राम पञ्चायतहरुमा इन्टरनेट प्रोजेक्टमा सहभागी हुनको लागी टेन्डर जारी गर्ने गरिन्छ ।

भारत सरकारको यस कदमबाट चिनियाँ कम्पनीहरु हुवावे, जेइटीई, युटीस्टारकमलाई सिधा असर पुग्ने देखिन्छ । अबदेखि यी कम्पनीहरुले भारतको डिओटीको अनुमती बिना कुनैपनि सरकारी प्रोजेक्टमा भाग लिन पाउने छैनन्।

भारत सरकारले जारी गरेको सुचना अनुसार चिनियाँ कम्पनीहरुलाई ८ किसिमका प्रकृयाहरु जस्तो अप्टिकल फाइबर, २जी, ३जी, ४जी, एलटीई मोडेम, राउटर, वाईफाई बेस्ड ब्रोडब्यान्ड वायरलेस सिस्टम र जीपीओएन इक्युपमेन्टको आपूर्तिमा प्रतिबन्ध गर्न सकिने छ । जारी सूचनामा चीन भन्ने उल्लेख नगरिएपनि भारतले टेलिकम इन्फ्रास्ट्रक्चरमा चिनियाँ कम्पनीहरुको पहुँच बढेको हेर्न नचाहेको स्पस्ट देखिन्छ ।

भारत सरकारको तर्फबाट यो सूचना अमेरिकी राष्ट्रपति डोनाल्ड ट्रम्पको भारत भ्रमणको एक दिन पहिले जारी गरिएको हो । स्मरण रहोस् ट्रपले चिनियाँ कम्पनीहरुबाट राष्ट्रिय सुरक्षामा खतरा रहेको आरोप लगाउँदै आईरहेका छन् । अमेरिकाले लामो समयदेखि आफ्ना मित्रराष्ट्रहरुलाई चिनियाँ टेलिकम कम्पनीहरुको ५जी प्रविधिमा प्रतिबन्ध लगाउन दबाब दिँदै आईरहेका छ । एजेन्सी

प्रकाशित: १२ फाल्गुन २०७६, सोमबार

Comments are closed.

Loading...