फिनटेक स्टार्टअपहरुले सन् २०१९ मा ३४ अर्ब अमेरिकी डलर फण्ड उठाए

Technology Khabar ११ फाल्गुन २०७६, आईतवार

फिनटेक स्टार्टअपहरुले सन् २०१९ मा ३४ अर्ब अमेरिकी डलर फण्ड उठाए

काठमाडौं । फाइनान्सियल सर्भिसेस स्टार्टअपहरुले सन् २०१९ मा ३४ अर्ब अमेरिकी डलर फण्ड उठाएका छन् । तर यो रकम अघिल्लोवर्ष सन् २०१८ को तुलनामा कम हो ।

हालै आएको नयाँ रिपोर्ट अनुसार फिनटेक स्टार्टअपहरुले विश्वभर ३३.९ अर्ब अमेरिकी डलर फण्ड उठाएका थिए भने सो वर्ष समग्रमा १,९१२ वटा डिल भएका थिए । जबकी सन् २०१८ मा फिनटेक स्टार्टअपहरुले ४०.८ अर्ब डलर उठाउन सफल भएका थिए भने कुल २,०४९ वटा डिल भएको थियो ।

अनुसन्धान फर्म सिबी इन्साइट्सको नयाँ रिपोर्टअनुसार सन् २०१९ मा विगत ५ वर्षकै सबैभन्दा कम फण्ड पहिलो चरण अर्थात सिरिज ए मा उठेको थियो । तर स्टार्टअपभन्दा माथि पुगेका र सिरिज बी मा हुने लगानीहरु भने बिगत ५ वर्षकै सबैभन्दा उच्च रहेको छ ।

त्यसैगरि यी सबै फिनटेक स्टार्टअपहरुको केन्द्रमा बढ्दोक्रममा रहेका बजारहरु रहेका छन जसमा दक्षिण अ‍ेमरिका, अफ्रिका, अष्ट्रेलिया, दक्षिण पूर्वी एशियाका देशहरु रहेका छन् ।

रकम उठाउने सन्दर्भमा हेर्दा भने गत वर्षको तेस्रो चौमासिकमा एशियाली स्टार्टअपहरुले यूरोपेली स्टार्टअपलाई पछाडि पारेका छन् । सो अवधिमा यूरोपेली स्टार्टअपहरुले १.६ अर्ब डलर कुल ९५ वटा डिलबाट उठाएका थिए भने एशियाली स्टार्टअपहरुले सोहि अवधिमा कुल १५७ वटा डिलबाट १.८ अर्ब डलर उठाएका थिए । चौथो चौमासिकमा पनि यूरोपलाई पछाडि पार्दै एशियाली स्टार्टअपहरुले दोब्बरभन्दा बढि रकम उठाउन सफल भएका थिए ।

रकम उठाउने मामलामा विश्वभर २४ वटा नयाँ फिनटेक स्टार्टअप रहेका छन जसले अधिक रकम उठाउन सफल भए जसमध्ये ८ वटा फिनटेक स्टार्टअपहरु नेक्स्ट इन्स्योरेन्स, ब्राइट हेल्थ, फ्लाईवायर, हाई रेडिअस, रिपल र फिगर थिए भने बाँकी १६ वटा गत वर्षका थिए ।
त्यसैगरी बीमा क्षेत्रका इन्स्योरटेक स्टार्टअपहरुमध्ये लेमोनाडे, हिप्पो, नेक्स्ट, वीफक्स, ब्राइट हेल्थ प्रमुख थिए ।

स्टार्टअपहरुमध्ये अधिकांशले साना र मध्यम व्यवसायहरुका लागि सलुसन बनाउनेहरुले पनि भेन्चर क्यापिटललाई आकर्षित गर्न सफल भएका थिए । अमेरिकामा मात्रै १४० भन्दा बढि यस्ता स्टार्टअपहरुले ४ अर्ब डलर उठाएका थिए । एजेन्सी

प्रकाशित: ११ फाल्गुन २०७६, आईतवार

Comments are closed.

Loading...