Technology Khabar ८ फाल्गुन २०७६, बिहीबार
काठमाडौं ।
काठमाडौं । नेपाली कांग्रेसले संचार तथा सूचना प्रविधि मन्त्री गोकुल प्रसाद बाँस्कोटालाई तत्काल बर्खास्त गर्न माग गरेको छ ।
नेपाली कांग्रेसले प्रेस विज्ञप्ति जारी गर्दै सेक्यूरिटी प्रिन्टिङ्ग प्रेस खरिदको क्रममा मन्त्री बाँस्कोटाले बार्गेनिङ्ग गरेको अडियो सार्वजनिक भएको र ७० करोड कमिसन संचार मन्त्रीले मागेको भन्दै उनलाई बर्खास्त गर्न माग गरेको हो ।
कांग्रेसका प्रवक्ता विश्व प्रकाश शर्माद्धारा जारी विज्ञप्तिअनुसार सेक्यूरिटी प्रिन्टिङ्ग प्रेस खरिद तयारी सँगै ठूलो रकमको अनियमितता तयारी भईरहेको थियो भन्ने अनुमाति विवरण अघिनै सार्वजनिक भएका थिए । अहिले भने स्वयं संचार मन्त्रीले नै कमिसनका लागि बार्गेनिङ्ग गरेको अडियो सार्वजनिक भए पश्चात त्यो अनुमान बलियो ढंगले प्रमाणित भएको नेपाली कांग्रेसले ठहर गरेको छ ।
त्यसैले संचार मन्त्रीलाई तत्काल बर्खास्त गर्न र निस्पक्ष अनुसन्धानको प्रकृयालाई सघाउन कांग्रेसले विज्ञप्तिमार्फत आग्रह गरेको छ ।
सञ्चार मन्त्रीलाई तत्काल बर्खास्त गरेर निष्पक्ष अनुसन्धानलाई सघाउनोस् प्रधानमन्त्रीज्यु !
इन्तु,परन्तु,किन्तुको को अर्थ छैन l न दायाँ न बायाँ सिधा बर्खास्त गर्नोस् @PM_Nepal बांकी छलफल अनुसन्धानको प्रक्रियामा ! pic.twitter.com/JHCrduoEos
— Bishwa Prakash शर्मा (@bishwaprakash77) February 20, 2020
यसअघि हाम्राकुरा डटकमले संचार मन्त्रीले ७० करोड रुपैयाँ सेक्यूरिटी प्रिन्टिङ्ग प्रेस खरिद प्रकृयामा बार्गेनिङ्ग गरेको अडियो सार्वजनिक गरेको थियो ।
प्रकाशित: ८ फाल्गुन २०७६, बिहीबार