सामाजिक संजालमा खपत हुने डाटाको अडिट गर्दै महालेखा, माग्यो सेवा प्रदायकहरुसँग तथ्यांक

Technology Khabar २८ माघ २०७६, मंगलवार

सामाजिक संजालमा खपत हुने डाटाको अडिट गर्दै महालेखा, माग्यो सेवा प्रदायकहरुसँग तथ्यांक
Classic Tech

काठमाडौं । महालेखा परीक्षकको कार्यालयले दूरसंचार सेवा प्रदायकहरुको लेखाको विबरण मात्र नभई उनीहरुमार्फत खपत हुने डाटाहरुको समेत लेखापरीक्षण गर्ने भएको छ ।

हालै महालेखाले नेपाल दूरसंचार प्राधिकरणमातहतका दूरसंचार सेवा तथा इन्टरनेट सेवा प्रदायकहरुले नेपालमा प्रयोग गरिने सामाजिक संजालहरुको लागि उपयोग हुने डाटाको तथ्यांक माग गरेको छ ।

महालेखाले प्राधिकरणमार्फत दूरसंचार सेवा तथा इन्टरनेट सेवा प्रदायकहरुसँग फेसबुक, ट्विटर, वीच्याट, मेसेन्जर, लगायतमा खपत हुने डाटाहरुको तथ्यांक माग गरेको छ ।

हालै महालेखाको निर्देशनअनुसार प्राधिकरणले आफू मातहतका दूरसंचार सेवा प्रदायक तथा इन्टरनेट सेवा प्रदायकहरुलाई सो सम्बन्धि तथ्यांक माग गर्दै पत्र पठाएको छ । सो पत्रअनुसार इन्टरनेट सेवा प्रदायकहरुले आफूले सामाजिक संजाल प्रयोगका लागि दिएको ब्याण्डविथको बारेमा जानकारी दिनुपर्नेछ भने त्यसमा राखिने विज्ञापनको लागि खपत भएको ब्याण्डविथको पनि तथ्यांक बुझाउनुपर्नेछ ।

महालेखाले ग्राहकहरुले समाजिक संजालका लागि प्रयोग गरेको तथ्यांक कम्पनीहरुसँग माग गरेको हो । जसमा कम्पनीहरुले भ्वाइसमा प्रयोग भएको डाटाको छुट्टै बिबरण दिनुपर्नेछ भने अन्य सामाजिक संजालहरुमा प्रयोग भएको कुल डाटाहरु र त्यसमा विज्ञापनमा प्रयोग भएको डाटाको बारेमा उल्लेख गर्नुपर्नेछ ।

महालेखाको पत्रअनुसार विशेषगरि फेसुबक, भाइबर, ह्वाट्सएप,वीच्याट र इन्स्टाग्राम प्रयोग हुने खपत भएको डाटाको बारेमा भने स्पष्टरुपमा बिबरण बुझाउनुपर्नेछ ।

यस्तो बिबरण आर्थिक वर्ष २०७२/७३ देखि २०७५/७६ सम्मको तोकिएको ढाँचामा बुझाउनुपर्नेछ ।

प्रकाशित: २८ माघ २०७६, मंगलवार

Comments are closed.

Loading...