टिसिएल कर्पोरेशनको सहायक कम्पनीले बनायो २४ वटा खतरनाक एप, गूगल प्ले स्टोरबाट हटाइए

Technology Khabar २८ माघ २०७६, मंगलवार

टिसिएल कर्पोरेशनको सहायक कम्पनीले बनायो २४ वटा खतरनाक एप, गूगल प्ले स्टोरबाट हटाइए
Classic Tech

काठमाडौं । गूगल प्ले स्टोरले हालै ४२ एप्सलाई हटाइदिएको छ । यी सबै एप्स मालवेयरबाट भरिएको थियो र कथितरुपमा यूजरहरुको डाटा कलेक्ट गरेर चीनका केहि सर्भरहरुलाई पठाउने गर्दथे ।

यी सबै एप्सले एकै मुख्य चाइनिज कम्पनीसँग सम्वन्ध राख्दथे । जसले कयौँ डेभलपर्स अकाउन्टको माध्यमबाट यी एप्सलाई गूगल एप मार्केटमा चलाइरहेको थियो । यी एप्समा सबैभन्दा पहिले भिपिएन प्रो का कर्मचारीहरुले ध्यान दिएका थिए । यी सबै एप्स यूजरहरुबाट एन्ड्रोइड एन्टिभाइरस एप्सले माग्ने अनुमतिहरु माग्ने गर्दथे ।

भिपिएन प्रो को एक ब्लग पोस्टअनुसार टिसिएल कर्पोशनको सहायक कम्पनी शेनजेन ह्वक नामको एक कम्पनीले गूगल प्ले स्टोरमा २४ एप्स चलाईरहेको थियो । यी सबै एप्सलाई ३३ करोड २० लाख पटकभन्दा बढि डाउनलोड गरिसकेको छ । यि एप्सले प्रयोगकर्ताहरुसँग एन्ड्रोएडको निकै खतरनाक अनुमतिहरुको माग गर्दथे र केहि एप्समा पुरा मालवेयर रहेको थियो ।

सोफोसका अनुसार यी एप्सले फोनमा रहेका समस्याहरुलाई पहिचान गर्ने र तिनीहरुलाई हटाउने नाटक गर्दथे र समस्या पत्ता लागाइदिए वापत प्रयोगकर्ताहरुसँग पैसा माग्ने गर्दथे । यतिमात्रै नभई यी एप्सले कुनै बेला प्रयोगकर्तालाई मालवेयर रहेका अन्य एप्स इन्स्टल गर्ने अप्शन पनि प्रदान गर्ने गर्दथे ।

शेनजेन ह्वक ले निर्माण गरेको यी एप्सहरुमा १ करोड भन्दा बढिपटक डाउनलोड गरिएको मौसमको जानकारी दिने एप्स, १० करोडभन्दा बढिपटक डाउनलोड भइसकेको साउन्ड रेर्कडर एप, ५ करोडभन्दा बढि डाउनलोड रहेको फाइल म्यानेजर एप, १० करोडभन्दा बढि पटक डाउनलोड गरिएको सुपर भाइरस क्लिनर एप २०१९ पनि रहेका छन ।

ब्लगको अनुसार फोर्ब्सले मंगलवार यस खबरको जानकारी गूगलसम्म पुर्याएको थियो । जस लगत्तै गूगलले यी एप्सलाई प्ले स्टोरबाट हटाएको थियो ।

शेनजेन ह्वकको एप्सलाई गूगलले हटाएपछि टिसिएल कर्पोरेशनले भिपिएन प्रो लाई सम्पर्क गरेको थियो र कम्पनीले यस बिषयमा गूगलसँग कुरा गरिरहेको बताएको थियो । यस बाहेक टिशिएल कम्पनीले यी एप्सलाई लिएर एक सुरक्षा जाँच स्थापना गरिरहेको पनि बताएको छ । शेनजेन ह्वकको कयौँ एप्स अलकाटेल र टिसिएलका अन्य फोनहरुमा पहिले नै इन्स्टल भएर आउने गर्दछ।

टिसिएलले अल्काटेल र टिसिएल स्मार्टफोन बाहेक ब्ल्याकबेरी फोनको समेतअधिकार लिएको छ । सो कम्पनी चिनियाँ सरकारसँग समेत नेटवर्कमा रहेको ब्लगमा दाबी छ ।

शेनजेन ह्वकका मालवेयर भएका एप्स यस्ता रहेका छन्-

· वर्ल्ड जू

· वर्ल्ड क्रोशी

· शकर पिनबल

· डिग इट

· लेजर ब्रेक

· वर्ड क्रस

· म्युजिक रोअम

· फाइल म्यानेजर

· साउन्ड रेर्कडर

· जोय लन्चर

· टर्बो ब्राउजर

· वेदर फोरकास्ट

· क्यालेन्डर लाइट

· क्यान्डी सेल्फि क्यामरा

· प्राइभेट ब्राउजर

· सुपर क्लिनर

· भाईरस क्लिनर २०१९

· हाई सेक्योरिटी २०१९

· हाई भिपिएन, फ्री भिपिएन

· हाई भिपिएन प्रो

· नेट मास्टर

· क्यान्डी ग्यालेरी

· पजल बक्स

अंग्रेजी नाम यी हुन् –

  1. World Zoo
  2. Word Crossy!
  3. Soccer Pinball
  4. Dig it
  5. Laser Break
  6. Word Crush
  7. Music Roam
  8. File Manager
  9. Sound Recorder
  10. Joy Launcher
  11. Turbo Browser
  12. Weather Forecast
  13. Calendar Lite
  14. Candy Selfie Camera
  15. Private Browser
  16. Super Cleaner
  17. Super Battery
  18. Virus Cleaner 2019
  19. Hi Security 2019
  20. Hi VPN, Free VPN
  21. Hi VPN Pro
  22. Net Master
  23. Candy Gallery
  24. Puzzle Box

प्रकाशित: २८ माघ २०७६, मंगलवार

Comments are closed.

Loading...