सामसङ ग्यालेक्सी एस २० सीरीजका साथमा फोल्डेबल स्मार्टफोन ग्यालेक्सी जेड फ्लिप आउने

काठमाडौं ।

काठमाडौं । ओस्कर अवार्ड कार्यक्रमका बिच सामसङको नयाँ फोल्डेबल स्मार्टफोन ग्यालेक्सी जेड फ्लिपलाई देखिएको छ । वास्तवमा कम्पनीले यस कार्यक्रममा सो स्मार्टफोनको विज्ञापन देखाएको थियो ।

यो स्मार्टफोन कम्पनीको ग्यालेक्सी फोल्डभन्दा निकै फरक रहेको छ र यो मोटो रेजरको नयाँ फोल्डेबल स्मार्टफोनकै तरिकाले फोल्ड हुने गर्दछ । पछिल्लो केहि हप्ताअघिदेखि ग्यालेक्सी जेड फ्लिपको बारेमा लगातार समाचारहरु सार्वजनिक भईरहेका छन् । यसमा यस स्मार्टफोनको लुक्सदेखि यसका फीचरहरुको समेत चर्चा हुने गरेका छन् ।

सामसङले यस फोल्डेबल स्मार्टफोनलाई ११ फरवरी अर्थात भोली अनप्याक्ड इभेन्टको अवसरमा लन्च गर्दैछ । यस इभेन्टमा कम्पनीले ग्यालेक्सी एस २० सीरीज पनि लन्च गर्ने छ ।

कम्पनीले ओस्कार अवार्ड कार्यक्रममा प्रशारण गरेको विज्ञापनअनुसार यो पुरा रुपमा फोल्ड हुने स्पस्ट देखिएको छ । यसमा सेकेन्डरी डिस्प्ले पनि प्रदान गरिएको छ जसले स्मार्टफोन पुरा फोल्ड भइसकेपछि काम गर्दछ । सेकेन्डरी स्क्रीनमा इनकमिंग कलको बेला कलर आईडि देख्न सकिने छ । यसैबाट प्रयोगकर्ताले रिप्लाई पनि गर्न सक्दछन ।

That Samsung ad. pic.twitter.com/rt7ntg68Oe

— Nicole Lee (@nicole) February 10, 2020

उक्त विज्ञापन अनुसार यस स्मार्टफोनलाई भिडियो कलिंगको लागी टेबलमा ९० डिग्रीको एंगलमा राख्न पनि सकिन्छ । यस स्मार्टफोनमा कम्पनीले क्वालकमको स्नापड्रयागन ८५५ प्लस प्रोसेसर प्रदान गरेको छ । यसमा दुई प्राइमरी क्यामरा रहेको छ । र यस स्मार्टफोनमा ३,३००एमएएच पावरको ब्याट्री रहेको छ ।

यस स्मार्टफोनको मुल्य करिब १,४०० डलर हुनसक्ने अनुमान लगाइएको छ । सामसङले यसलाई लन्च गरेपस्चात यसले विश्वबजारमा आफ्नो उपस्थितीलाई कतिको बलियो बनाउँछ भन्ने कुरा स्मार्टफोन प्रयोगकर्ताहरुका लागी निकै चाखलाग्दो हुने छ । एजेन्सी