शाओमीले रेडमी के२० प्रो स्मार्टफोनको बिक्री बन्द गर्दै, अपग्रेड भर्सन रेडमी के३० प्रो आउँदै

Technology Khabar २६ माघ २०७६, आईतवार

शाओमीले रेडमी के२० प्रो स्मार्टफोनको बिक्री बन्द गर्दै, अपग्रेड भर्सन रेडमी के३० प्रो आउँदै
Classic Tech

काठमाडौं । शाओमीको सब ब्रान्ड रेडमीले चाँडै रेडमी के३० प्रो लन्च गर्ने तयारीमा रहेको छ । हाल कम्पनीले अब रेडमी के२० प्रो को बिक्री वितरणलाई बन्द गर्न सक्ने खबरहरु सार्वजनिक भएका छन । शाओमीका भाईस प्रेसिडेन्ट लु विबिंगले चिनियाँ सोशल मिडिया विबोमा यस कुरालाई कन्फर्म गरेका हुन् ।

उनले रेडमी के२० को बारेमा भने केहि कुरा बताएका छैनन् यसर्थ कम्पनीले २० प्रो भेरियन्टको मात्रै बिक्री बन्द गर्ने छ । त्यस्तै कम्पनीले रेडमी के३० प्रो को बारेमा कुनै अफिशियल जानकारी दिएको छैन र यसको टिजरपनि सार्वजनिक गरेको छैन ।

लु विबींगले आफ्नो पोस्टमा रेडमी के२० प्रो को बिक्री यस महिनापछिबाट बन्द गर्ने बताएका छन् । यसबाट रेडमी के३० प्रो चाँडै नै लन्च हुनसक्ने अनुमान लगाउन सकिन्छ ।

रेडमी के३० प्रो लाई कम्पनीले पहिलो आफ्नै देशको मार्केटमा सार्वजनिक गर्ने छ । हालै भारतीय मार्केटमा रेडमी के३० लाई पोको एक्स २ को नाममा रिब्रान्ड गरेर लन्च गरिएको छ ।

रेडमी के३० प्रो को कुरा गर्दा यस स्मार्टफोनमा क्वालकम स्नापड्रयागन ८६५ ५जी प्रोससर दिइएको छ । त्यस्तै यस स्मार्टफोनमा ८जीबी र्याम रहेको छ भने यो एन्ड्रोएड १० आधारित एमआईयूआई ११ मा संचालन हुन्छ ।

रेडमीको अपकमींग स्मार्टफोन के३० प्रो मा क्वाड रियर क्यामरा सेटअप रहन सक्ने छ । जसको प्राईमरी क्यामरा ६४ मेगापिक्सेल हुन सक्ने छ र यसमा सोनी आईएमएक्स६८६ सेन्सरको प्रयोग भएको हुन सक्ने छ । यस स्मार्टफोनमा ३३ वाटको फास्ट चार्जको सर्पोट हुने छ । यसको ब्याट्री पावर ४,७००एमएएच को हुन सक्ने छ । एजेन्सी

प्रकाशित: २६ माघ २०७६, आईतवार

Comments are closed.

Loading...