ब्ल्याकबेरी फोनहरु अब हराउन सक्ने संभावना, टिसिएल कम्युनिकेशन्ससँगको सहकार्य सकिँदै

Technology Khabar २१ माघ २०७६, मंगलवार

ब्ल्याकबेरी फोनहरु अब हराउन सक्ने संभावना, टिसिएल कम्युनिकेशन्ससँगको सहकार्य सकिँदै
ब्ल्याकबेरी एन्ड्रोयड फोन

काठमाडौं ।

काठमाडौं । पछिल्लो समयमा टिसिएल कम्युनिकेशन्सले अधिकार लिएको स्मार्टफोन ब्राण्ड ब्ल्याकबेरीको बिक्री यो वर्षदेखि रोकिने भएको छ । हालै टिसिएलले यो वर्षदेखि ब्ल्याकबेरी रोकिने जानकारी ट्विटमार्फत दिएको हो ।

ब्ल्याकबेरीको ब्राण्ड लाइसेन्स र टेक्नोलोजी सपोर्ट टिसिएलसँग रहेको छ । सन् २०१६ मा टिसिएलले ब्ल्याकबेरी लिमिटेडसँग त्यसको लागि सम्झौता गरेको थियो ।

टिसिएलले सन् २०२० को अगस्ट २१ देखि ब्ल्याकबेरी ब्राण्डका फोनहरु बिक्री नगर्ने घोषणा गरेको हो र कम्पनीकाअनुसार सो अवधिपछि कम्पनीसँग ब्ल्याकबेरीको डिजाइन र उत्पादनको अधिकार हुनेछैन् । तर अन्य डिभाइसहरु भने निरन्तर सपोर्टमा रहनेछन् ।

ब्ल्याकबेरीले सन् २०१६ मा आफैंले स्मार्टफोन बनाउन रोक्ने निर्णय गरेको थियो भने लाइसेन्स दिने निर्णय गरेको थियो ।

टिसिएलले ब्ल्याकबेरी ब्राण्डका फोनहरुलाई परम्परागत डिजाइनमा आधुनिक एन्ड्रोयड फोनहरुको कार्य गर्नेगरि ल्याएको थियो । तर कुनैपनि डिभाइसहरु बजारमा उत्कृष्ट हुनसकेनन् ।

अब टिसिएलले ब्ल्याकबेरी नल्याउने भएसँगै ब्ल्याकबेरी ब्राण्ड हराउन सक्ने आशंका उत्पन्न भएको छ । ब्ल्याकबेरीसँग अन्य उत्पादक कम्पनीहरु पार्टनर भएपनि तिनिहरुसँग सिमित सम्बन्ध मात्र छ । जसअन्तरगत बीबी मेराह पुटिथले इण्डोनेशियामा सन् २०१७ मा एउटा मात्र डिभाइल लन्च गरेको थियो भने अर्को उत्पादक अप्टिमस इन्फ्राकमले केहि फोनहरु भारत, श्रीलंका, नेपाल र बंगलादेशका लागि बनाएको थियो । टिसिएलसँग भने सबै क्षेत्रहरुका लागि अधिकार थियो ।

पछिल्लो दिनमा टिसिएलले ब्ल्याकबेरीसहित अल्काटेल, पाम र आफ्नै टिसिएल ब्राण्डमा स्मार्टफोनहरु ल्याउँदै गरेको छ । एजेन्सी

Global Bank
easy care

प्रकाशित: २१ माघ २०७६, मंगलवार

ताजा समाचार