भारतीय राइड हेलिंग कम्पनी ओलाले लण्डनमा फरबरी १०देखि सेवा शुरु गर्ने, उबरसँग प्रतिस्पर्धा

Technology Khabar २० माघ २०७६, सोमबार

भारतीय राइड हेलिंग कम्पनी ओलाले लण्डनमा फरबरी १०देखि सेवा शुरु गर्ने, उबरसँग प्रतिस्पर्धा
Classic Tech

काठमाडौं । भारतीय राइड हेलिंग कम्पनी ओलाले बेलायतको लण्डनमा आफ्नो सेवा शुरु गर्ने भएको छ । कम्पनीले लण्डनमा कार्यालय खोलेको १ वर्षपछि यहि फरबरी १० तारिखदेखि सेवा शुरु गर्न लागेको हो ।

पछिल्लो दिनमा लण्डन राइड हेलिंग सर्भिसको लागि विश्वको सबैभन्दा ठूलो बजार हो जहाँ भारतीय ब्राण्डले अन्तराष्ट्रिय सेवा बिस्तार रणनीतिअन्तरगत सेवा दिने बताएको छ ।

लण्डनमा ओलाले अर्को प्रतिस्पर्धी कम्पनी उबरसँग प्रतिस्पर्धा गर्नुपर्नेछ ।

ओलाले लण्डनमा आफू पहिलो दिनदेखि नै पूर्णरुपमा संचालनमा आउने बताएको छ, जहाँ गएको नोभेम्बरदेखि हालसम्म कम्पनीले २० हजार ड्राइभरहरुसँग सहकार्य गर्नेछ ।

कम्पनीले अहिलेसम्म ३.५ अर्ब डलर फण्ड संकलन गरेको छ भने सेक्यूरिटी फीचरहरुको लागि आफ्नो प्लेटफर्ममा निकै सुधार गरेको छ ।

जहाँ कम्पनीले सातै दिन २४ सै घण्टा चालकहरु र ग्राहकहरुका लागि हेल्पलाइन संचालन गरेको छ भने एपमा पनि इमजेन्सी बटन राखेको छ ।

विश्वभर सुरक्षा महत्वपूर्ण विषय भएको र अझ बेलायतको राजधानीमा त्यसलाई निकै महत्वका साथ हेरिन्छ ।

सेक्यूरिटीका कारणले गर्दा नै अर्को प्रतिस्पर्धी उबरको लाइसेन्स बेलायतमा खारेजीमा परेको थियो भने हाल कम्पनीले त्यसमा अपिल गरिरहेको छ । तर ओलाले भने सेक्यूरिटीलाई स्पष्टरुपमा ध्यानमा राखेर स्थानिय नियमनकारी निकायहरु र अधिकारीहरुसँग निरन्तर सहकार्य गरिरहनेछ भने यो उद्योगकै उत्कृष्ट टेक्नोलोजी प्राक्टिसमा अगाडी बढ्ने बताएको छ ।

ओलाले हाल बिरमिंगहम, कोभेन्ट्री र वारवीकजस्ता शहरहरुमा पनि सेवा उपलब्ध गराउने छ भने कम्पनीले गत चौमासिकको भन्दा दोब्बर राईड वृद्धि हुने दाबी गरेकोछ ।

ओलाले हाल विश्वका २५० भन्दा बढि शहरहरुमा सेवा प्रदान गरिरहेको जनाएको छ । एजेन्सी

प्रकाशित: २० माघ २०७६, सोमबार

Comments are closed.

Loading...