विश्वको दोस्रो ठूलो स्मार्टफोन बजार भारतमा ५० करोडभन्दा धेरै स्मार्टफोन प्रयोगकर्ता

Technology Khabar १९ माघ २०७६, आईतवार

विश्वको दोस्रो ठूलो स्मार्टफोन बजार भारतमा ५० करोडभन्दा धेरै स्मार्टफोन प्रयोगकर्ता

काठमाडौं । सूचना क्रान्तिपछि भारतमा मोबाइल ग्राहकहरुको संख्यामा लगातार वृद्धि हुँदै गईरहेको छ । हाल भारतीयहरुको आकर्षण फिचर फोनबाट स्मार्टफोन तर्फ बढिरहेको छ । भारतमा हाल स्मार्टफोनप्रतिको आकर्षण यति बढेको छ कि अहिले स्मार्टफोन प्रयोगकर्ताको संख्या ५० करोडभन्दा बढि पुगेको छ । यसो हुनुमा त्यहाँ उपलब्ध ४जी सेवा र सस्तो डाटादरलाई मान्न सकिन्छ ।

एक रिर्पोटकाअनुसार भारतमा २०१८ को तुलानामा स्मार्टफोनको खरिददर १५ प्रतिशतले वृद्धि भएको छ । मार्केट रिसर्च फर्म टेकएआरसीले आफ्नो रिर्पोटमा भारतीय बजारमा शाओमी र रियलमी ब्रान्डको प्रवेशपछि नयाँ ग्राहकहरु स्मार्टफोनसँग जोडिँदै गईरहेको दाबी गरेको छ ।

रिर्पोटले २०१९ को डिसेम्वरसम्म भारतका दुई मिलियन मानिसहरुले स्मार्टफोन प्रयोग गर्ने गरेको देखाएको छ । त्यस समय भारतीय बजारमा सर्वाधिक शेयर हिस्सा सामसङको रहेको थियो । त्यसपछि शाओमी, भीभो र ओपो दोस्रो, तेस्रो र चौथो स्थानमा रहेका थिए । तर हाल भारतीय बजारमा शाओमीको शेयर सर्वाधिक रहेको छ ।

टेकएआरसीका संस्थापक फैसल कउसा केहि वर्ष पहिले फीचरफोनबाट स्मार्टफोनमा शिफ्ट हुने मानिसहरुको संख्या कम रहेको तर हाल यसले निकै तिब्र गति लिएको बताउँछन । उनले ५० करोडको संख्यालाई हेर्दा अझ स्मार्टफोनका प्रयोगकर्ताहरु बढ्दो अवस्थामा रहेको जनाए । उनले भारतमा ग्राहकहरुका लागी पाँच हजारमा स्मार्टफोन किन्ने विकल्प रहेका तर ग्राहकहरुले यसभन्दा केहि बढी मुल्य भएको स्मार्टफोन किन्ने गरेको बताए ।

भारतमा २०१९ मा रियलमीले आफ्ना ग्राहक संख्यामा ४९ प्रतिशतले वृद्धि गरेको थियो । त्यस्तै वानप्लसले ४१ प्रतिशत, सामसङ, शाओमी र ओपोले ग्राहक संख्यामा ९, २५, र ३६ प्रतिशतले वृद्धि गरेका थिए । एजेन्सी

प्रकाशित: १९ माघ २०७६, आईतवार

Comments are closed.

Loading...