यी अपरेटिङ सिस्टम भएका स्मार्टफोनमा आजबाट ह्वाट्सएप सपोर्ट बन्द, एकाउन्ट खोल्न नपाईने

Technology Khabar १८ माघ २०७६, शनिबार

यी अपरेटिङ सिस्टम भएका स्मार्टफोनमा आजबाट ह्वाट्सएप सपोर्ट बन्द, एकाउन्ट खोल्न नपाईने
Classic Tech

काठमाडौं । सार्वजनिक भएको छोटो समयमा नै हाल ह्वाट्सएपमा विश्वभरका अर्बौं प्रयोगकर्ताहरु रहेका छन् । तर ह्वाट्सएपले आफ्ना केहि पुराना अपरेटिङ सिस्टममा चल्ने फोनहरुमा सर्पोट बन्द गर्न गईरहेको छ ।

ह्वाट्सएपले आफ्नो एफएक्यु सर्पोट पेजमा एक ब्लग शेयर गरेको छ, जसमा कम्पनीले पुराना अपरेटिङ सिस्टम भएका स्मार्टफोनहरुमा ह्वाट्सएप सपोर्ट बन्द गर्ने जानकारी दिएको छ ।

कम्पनीले यसमा एन्ड्रोएड भर्जन २.३.७ र त्यसअघिका अपरेटिङ सिस्टममा सर्पोट बन्द गर्ने जानकारी दिएको छ । साथै यसमा एप्पलको आईफोनको आईओएस ८ र त्यसभन्दा पुराना अपरेटिङ सिस्टमका फोनमा ह्वाट्सएपको सर्पोट बन्द गरेको हो । यी फोनहरुमा १ फरवरी २०२० अर्थात आजैबाट ह्वाट्सएपले सर्पोट गर्न छोड्ने छ ।

ह्वाट्सएपले ब्लगमा उल्लेख गरेअनुसार यस अपरेटिङ सिस्टमको प्रयोग गर्नेले ३१ जनवरी पछि यसमा नयाँ अकाउन्ट बनाउन र भेरिफिकेशनलगायत एक्टिभेटपनि गर्न पाउने छैनन् ।

ह्वाट्सएपले पुराना फोनमा सर्पोट बन्द गर्नुको कारण पनि खुलाएको छ । जसमा ह्वाट्सएपले आउँदो सात वर्षलाई ध्यानमा राखेको बताएको छ । त्यस्तै आफुहरुको ध्यान प्रयोगकर्ताहरुले बढि प्रयोग गरिरहेको अपरेटिङ सिस्टममा रहेकाले पुराना सिस्टमलाई ध्यानदिन नसक्ने जनाएको छ ।

यसमा ह्वाट्सएपले पछिल्लो छ वर्षदेखि एउटै मोबाइल चलाईरहेका प्रयोगकर्ताको स्मार्टफोनमा ह्वाट्सएपको सर्पोट बन्द हुने खुलाएको छ ।

जानकारीका अनुसार ह्वाट्सएपले विन्डोज फोनमा पनि १ फरवरी २०२० बाट सर्पोट बन्द गर्ने घोषणा गरेको छ । यसअघि कम्पनीले २०१७ मा ब्ल्याकबेरी ओएस, ब्ल्याकबेरी १०, विन्डोज फोन ८.० र बाँकी पुराना प्लेटफर्महरुमा ह्वाट्सएपको सर्पोट बन्द गरेको थियो ।

अब ह्वाट्सएप चलाउन चाहनेहरुले आईओएस ९ पछि आएका नयाँ आईओएस र एन्ड्रोएड भर्जन ४.०.३ भन्दा पछि आएका अपरेटिङ सिस्टम तथा काई अपरेटिङ सिस्टम २.५.१ वा त्यो भन्दा नयाँ अपरेटिङ सिस्टम भएका स्मार्टफोनहरु प्रयोग गर्नुपर्नेछ ।

प्रकाशित: १८ माघ २०७६, शनिबार

Comments are closed.

Loading...