सर्च इन्जिन कम्पनी गूगलद्धारा २०१९ मा ह्याकरहरुलाई ६५ लाख डलर प्रदान

Technology Khabar १८ माघ २०७६, शनिबार

सर्च इन्जिन कम्पनी गूगलद्धारा २०१९ मा ह्याकरहरुलाई ६५ लाख डलर प्रदान
फाइल
Classic Tech

काठमाडौं । विश्वकै ठुलो सर्च इन्जिन कम्पनी गूगलले वर्ष २०१९ इन्टरनेटलाई सुरक्षित राख्नका लागी ह्याकरहरुलाई ६५ लाख डलर दिएको छ । गूगलले यति ठुलो रकम ह्याकरहरुलाई रिवार्डको रुपमा प्रदान गरेको हो ।

खासमा गूगलले यस रकम आफ्नै भल्नरेबिलिटी रिवार्ड प्रोगामको रुपमा दिएको हो । कम्पनीले यस प्रोग्रामअनुसार गूगलका उत्पादनहरुमा सिक्याेरिटी फ्लो र बग्स पत्ता लगाएको कारणले ह्याकसहरुलाई रकम प्रदान गर्ने गर्दछ ।

कम्पनीको प्रोडक्टहरुमा गूगलक्रोम देखि एन्ड्रोएड सिस्टमसम्म सामेल रहेको छ । कम्पनीले ह्याकरहरुले पत्ता लगाएका बग समय रहँदै प्रयोगकर्ताको प्राइभेसीलाई सेक्योर गर्न गर्न सकिने भएकाले सो बापतको रकम दिने गर्दछ । कम्पनीले प्रयोगकर्ताको डाटालाई सुरक्षित गर्ने उदेश्यले ह्याकरहरुलाई यति ठुलो रकम प्रदान गर्ने गर्दछ ।

कम्पनीले यी त्रुटीहरुका कमिकमजोरी पत्ता लगाएर यसलाई फिक्स गर्ने गर्दछ । जसबाट प्रयोगकर्ताहरुमा कुनै समस्या देखिंदैन्। कम्पनीले हालसम्म यस प्रोग्राममा २ करोड १० लाख डलर रकम खर्च गरिसकेको छ । वास्तवमा विश्वभरमा टेक्नोलोजीको प्रयोग बढ्नाले ह्याकरहरुको क्षेत्रपनि ठुलो भएको छ । यस वास्तविकतालाई मध्यनजर गर्दै कम्पनीले आफ्नो प्रोडक्टलाई सिक्योर बनाउन यस्तो प्रोग्राम चलाउँदै आएको हो ।

गूगलले यसबाहेक कयौँ सेगमेन्टमा म्याक्सिमम रिवार्डको मुल्यमा वृद्धि गरेको पनि बताएको छ । गूगलले बजारमा स्मार्टफोन, क्यामरा, क्रोम बुक, होम मिनी जस्ता कयौँ प्रोडक्ट्स बिक्री गर्दै आएको छ ।

गूगलको एन्ड्रोएड अपरेटिंग सिस्टम यस समय विश्वभर सबैभन्दा धेरै मोबाइल फोनहरुमा चलिरहेको छ । जसलाई सिक्योर राख्न गूगलले यस्तो प्रोग्राम चलाउँदै आईरहेको छ । यस प्रोग्रामको उद्धेश्य बगहरुलाई पत्ता लगाएर त्यसलाई चाँडोभन्दा चाँडो फिक्स गर्नु हो । एजेन्सी

प्रकाशित: १८ माघ २०७६, शनिबार

Comments are closed.

Loading...