भिडियो शेयरिङका लागि गूगलले ल्यायो ट्याङ्गी एप, ६० सेकेन्डको क्रिएटिभ भिडियो बनाउन मिल्ने

Technology Khabar १७ माघ २०७६, शुक्रबार

भिडियो शेयरिङका लागि गूगलले ल्यायो ट्याङ्गी एप, ६० सेकेन्डको क्रिएटिभ भिडियो बनाउन मिल्ने

काठमाडौं । गूगलले आफ्नो नयाँ गूगल ‘ट्याङ्गी’ एप लन्च गरेको छ । यो एक भिडियो शेयरिंग सोशल मिडिया एप हो । जसमा कुनैपनि कुरा कसरी गर्ने भन्ने सिकाउने छोटो–छोटो भिडियोहरु शेयर गर्न सकिन्छ ।

यस एपलाई गूगलको एरिया १२० टीमले तयार गरेको हो । यसको अबको टक्कर भिडियो शेयरिंगका लागी चर्चित एप टिकटकसँग हुने अनुमान लगाइएको छ ।

गूगल टेन्गीमा टिकटकको जस्तै ६० सेकेन्डको क्रिएटीभ भिडियो बनाउन सकिन्छ । एपमा बनाइने भिडियो मानिसहरुको दैनिक जिवनमा प्रयोग हुने कुराहरु उनिहरुलाई सिकाउने खालका हुन्छन । टिकटकमा हाल इन्टरटेन्मेन्टका भिडियोहरु मात्रै बनाउन सकिन्छ ।

हाल यस एप एप्पल स्टोर र वेबबाट फ्री मा डाउनलोड गर्न सकिन्छ । एन्ड्रोएड प्रयोगकर्ताले भने यस एपका लागी केहि समय कुर्नुपर्ने देखिन्छ । यस एप युरोपियन युनियनका राष्ट्रबाहेक विश्वका सबै राष्ट्रहरुमा उपलब्ध रहेको छ । गूगलले पनि हाल यस एपलाई लिमिटेड प्रयोगकर्ताले मात्रै युज गर्न सक्ने जनाएको छ । एजेन्सी

प्रकाशित: १७ माघ २०७६, शुक्रबार

Comments are closed.

Loading...