सामसङ ग्यालेक्सी जेड फ्लिपको अफिशियल रेन्डर्स सार्वजनिक, क्लामशेल स्टाइलमा फोल्ड हुने

Technology Khabar १६ माघ २०७६, बिहीबार

सामसङ ग्यालेक्सी जेड फ्लिपको अफिशियल रेन्डर्स सार्वजनिक, क्लामशेल स्टाइलमा फोल्ड हुने
Classic Tech

काठमाडौं । दक्षिण कोरियाली इलेक्ट्रोनिक्स कम्पनी सामसङले आउँदो महिना अर्थात १४ फरवरीमा आफ्नो नयाँ फोल्डवल फोन ग्यालेक्सी जेड फ्लिप लन्च गर्ने भएको छ । ग्यालेक्सी जेड फ्लिपलाई लिएर पछिल्लो केहि दिनदेखी निकै खबरहरु सार्वजनिक भएका थिए । र हाल यस डिभाइसको अफिशियल रेन्डर सार्वजनिक भएको छ ।

विनफ्युचरले यस स्मार्टफोनको अफिशियल रेन्डर्स लिक गरेको हो । त्यस्तै डिभाइसको बारेका अन्य जानकारी पनि शेयर गरेको छ । यस ह्यान्डसेटलाई बजारमा कयौं कलर अप्सनसँगै सार्वजनिक गरिने छ । जानकारहरुका अनुसार कम्पनीको यस स्मार्टफोनको टक्कर मोटोरोलाको मोटो रेजरसँग हुने छ ।

दुबै स्मार्टफोन क्ल्यामशेल स्टाइलमा फोल्ड हुनेछन् । यसबाहेक सामसङले आफ्नो नयाँ फोनलाई सिल्भर, पर्पल, गोल्ड र ब्ल्याक कलरमा सार्वजनिक गर्न सक्ने छ ।

यस सेटलाई ५जी सर्पोटसँगै ल्याईने र यसमा लेटेस्ट क्वालकम स्न्यापड्रयागन ८६५ चिपसेटसँगै सार्वजनिक गरिने केहि रिर्पोट्सले दाबी गरेका छन । यस फोनमा फूल एचडि+(२६३६×१०८०) एमोलेड ६.७ इन्च इनफिनिटी ओ डिस्प्ले हुनेछ । यस बाहेक फोनमा ८जीबी र्याम र २५६जीबी स्टोरेज हुनेछ ।

फोटोग्राफीको लागी फोनमा १२ मेगापिक्सेल एफ/१.८ र १२ मेगापिक्सल हुने छ । त्यस्तै डिभाइसको फ्रन्टमा १० मेगापिक्सेलको डुअल क्यामरा रहनेछ । यसबाहेक फोनमा ब्याट्री ३३०० एमएएच पावरको हुनेछ । रिर्पोटअनुसार यस स्मार्टफोनलाई कम्पनीले १५०० युरो मुल्यमा लन्च गर्न सक्ने देखिएको छ । एजेन्सी

प्रकाशित: १६ माघ २०७६, बिहीबार

Comments are closed.

Loading...