रेडमीले चाँडै आफ्नो फिटनेश ट्रयाकर लन्च गर्ने, ट्रयाकरमा वाच फेस परिवर्तन गर्ने अप्सन

Technology Khabar १५ माघ २०७६, बुधबार

रेडमीले चाँडै आफ्नो फिटनेश ट्रयाकर लन्च गर्ने, ट्रयाकरमा वाच फेस परिवर्तन गर्ने अप्सन

काठमाडौं । स्मार्टफोन ब्राण्ड रेडमीले चाँडै वेयरेवल सेगमेन्टलाई पनि बजारमा ल्याउने भएको छ । शाओमीको यस सवब्रान्ड गएको वर्ष मात्रै एक स्वतन्त्र ब्रान्ड बनाइएको थियो ।

एक स्वतन्त्र ब्रान्डको रुपमा रेडमीले आफ्नो घरेलु मार्केटमा स्मार्टफोनको साथै स्मार्ट टिभी मोडल पनि सार्वजनिक गरिसकेको छ । र अब कम्पनीले एक फिटनेश ट्रयाकरसँगै वेयरेवल सेगमेन्टमा पनि पाइला राख्न जाँदै गरेको समाचार सार्वजनिक भएको छ । रेडमीको यस अपकमीङ फिटनेश ट्रयाकरलाई चिनियाँ माइक्रो ब्लगिङ्ग वेबसाइट वीबोमा देखिएको थियो ।

गएको वर्षको नोभेम्वरमा रेडमीका जनरल म्यानेजर लु ह्वुवीङले स्मार्टवाच लन्च गर्ने कम्पनीको प्लानको बारेमा बताएका थिए । हाल कम्पनीले सबैभन्दा पहिले फिटनेश ट्रयाकर लन्च गर्न सक्ने देखिएको छ ।

वीबोमा चिनियाँ टिप्स्टर डिजीटल च्याट स्टेशनले यस डिभाइसको जानकारी लिक गरेको थियो । टिप्स्टरलाई यस फीचर र डिजाइन एमआई एपबाट प्राप्त भएको दाबी टिप्स्टरको रहेको छ । डिभाइसको इमेजबाट यो फिटनेश ट्रयाकर ब्ल्याक कलरमा आउने देखिन्छ भने यसमा मोटो बेजल्ससँगै एक सानो डिस्प्लेपनि उपलब्ध हुनेछ ।

यस फिटनेश ट्रयाकरमा स्क्रिनको तल फिजिटल बटन देखिएको छ । एपको जानकारी अनुसार यस फिटनेश ट्रयाकरमा वाच फेस चेन्ज गर्ने अप्शन पनि पाइने छ । साथै यसमा अलार्म फंङशन, हार्ट रेट सेन्सर र एनएफसी सँगै पेमेन्टका लागी सर्पोट पनि पाईने छ । र यसमा म्युजिक प्लेब्याक गर्ने अप्सन पनि रहने छ ।

यसको डिजाइनलाई हेर्दा यो फस्ट जेनेरेशन एमआई ब्यान्ड फिटनेश ट्रयाकरबाट प्रभावित भएको पाइन्छ । यसको मुल्य एमआई ब्यान्ड सीरीजभन्दा कम हुनसक्ने अनुमान लगाइएको छ ।

हाल कम्पनीको तर्फबाट यसको बारेमा कुनै आधिकारीक जानकारी सार्वजनिक भएको छैन । यस वेयरेवल डिभाइसलाई ब्युरो अफ इन्डीयन स्ट्यान्र्डसबाट सर्टिफिकेट प्राप्त भईसकेको छ । जसबाट यो चाँडै नै लन्च हुने थाहा पाउन सकिन्छ। एजेन्सी

प्रकाशित: १५ माघ २०७६, बुधबार

Comments are closed.

Loading...