वीरगञ्जमा आयोजित क्यान ईन्फाटेक आईटि मेला २०२० सम्पन्न, २० हजारभन्दा बढीले गरे अवलोकन

Technology Khabar १४ माघ २०७६, मंगलवार

वीरगञ्जमा आयोजित क्यान ईन्फाटेक आईटि मेला २०२० सम्पन्न, २० हजारभन्दा बढीले गरे अवलोकन

वीरगञ्ज  । नेपालमा सुचना प्रविधि क्षेत्रमा कार्यरत जनशक्ति, विज्ञ, संघसंस्था तथा व्यवसायीहरुको छाता संगठन क्यान महासंघ पर्साद्धारा आयोजित क्यान ईन्फाटेक आईटि मेला २०२० सम्पन्न भएको छ । गत माघ ९ गतेबाट आयोजना भएको क्यान ईन्फोटेक २०२० को अन्तिम दिन सोमबारसम्म करिब २० हजारभन्दा बढीले अवलोकन गरे ।

समापन समारोहमा बोल्दै वीरगञ्ज पब्लिक कलेजका निर्देशक डा. दिपक शाक्यले सुचना प्रविधी क्षेत्रको विकासमा क्यानले पुर्याको योग्दानको प्रशंसा गरेका थिए । वीरगञ्जका लागि बिल्कुलै नयाँ परिवेशको कार्यक्रम भएको हुनाले यहाँका युवाहरु यसतर्फ आकर्षित हुनुपर्ने ठाउँमा नभएको भन्दै दुखः व्यक्त गरे । यस्ता कार्यक्रमलाई भविष्यमा निरन्तरता दिईरहन क्यान पर्सालाई उनले आग्रह गरेका थिए ।

यसैबिच वीरगञ्ज युवा समाजका अध्यक्ष कमल चौगाईले युवाहरुको सक्रियतामा युवाहरुका लागि आयोजना भएको क्यान ईन्फोटेक सफल भएको भन्दै शुभकामना व्यक्त गरे । उनले यस्ता कार्यक्रम तथा समारोहले विद्यार्थीहरुको क्षमता विकासमा ठुलो याग्दान पुर्याएको बताए ।

कार्यक्रममा शुभकामना मन्तव्य राख्दै वक्ताहरुले अधिराज्यभरि छरिएर रहेका सुचना प्रविधीका विज्ञ, जनशक्ति तथा संघसंस्थाको उत्थान तथा विकासका लागि निरन्तर सक्रिय रहन क्यानलाई वक्ताहरुले आग्रह गरेका थिए । क्यान ईन्फोटेक प्रदेश २ तथा वीरगञ्जका लागि बिल्कुलै नयाँ परिवेशको कार्यक्रम भएका हुनाले यसलाई निरन्तरता दिनुपर्नेमा वक्ताहरुले जोड दिएका थिए ।

क्यान महासंघ पर्साका अध्यक्ष दिपक शाहले देशको आर्थिक राजधानीका रुपमा रहेको वीरगञ्जलाई आउने दिनहरुमा आईटि हबका रुपमा पनि चिनियोस् भन्ने अभिप्रायले क्यान ईन्फोटेक आयोजना गरेको बताए ।

५ दिनसम्म चलेको क्यान ईन्फोटेक २०२० मा सुचना प्रविधीसँग सम्बन्धीत करिब ६० भन्दा बढी स्टल राखिएका थिए । आइटि क्षेत्रमा भविष्य बनाउन चाह्नेहरुका लागि क्यान ईन्फोटेक पछिल्लो समय अध्ययन स्थलका रुपमा स्थापित भएको थियो ।

“आईटिका बारेमा धेरै जान्न पाए । यस्ता मेला अझै आयोजना हुनुपर्छ ।” मेलामा अवलोकन गर्दै गरेका सन्तोष साहले भने ।

केन्द्रिय स्तरको क्यान इन्फोटेक तथा प्रदेश र जिल्ला स्तरीय इन्फोटेकको शिर्ष प्रायोजन प्रभु पे, एसोसिएट प्रायोजकमा वल्डलिंक कम्युनिकेशन लिमिटेड, अफिसियल इन्सोरेन्स प्रभु इन्सोरेन्सले प्रायोजन गरेको छ । त्यस्तै हाल सम्म प्लाटिनम स्पोन्सरमा डाईनामिक टेक्नोसफ्ट, गोल्ड स्पोन्सरमा ब्रदर र लर्ड बुद्ध एजुकेशन फाउण्डेसन, सिल्भर स्पोन्सरमा एस पावर, भायनेटले प्रायोजन गरेका छन् ।

क्यान महासंघ पर्साले आयोजना गरेको क्यान ईन्फोटेक यसभन्दा अगाडी सन् २०१८ मा आयोजना गरिएको थियो ।

प्रकाशित: १४ माघ २०७६, मंगलवार

Comments are closed.

Loading...