अब सामसङमा आइफोनको जस्तै फिचर पाईने, फाइलहरु शेयर गर्न ‘क्वीक शेयर’ फीचर आउँदै

Technology Khabar १३ माघ २०७६, सोमबार

अब सामसङमा आइफोनको जस्तै फिचर पाईने, फाइलहरु शेयर गर्न ‘क्वीक शेयर’ फीचर आउँदै
Classic Tech

काठमाडौं । आइफोनको शेयरिंग फीचर एयरड्रपको रुपमा सामसङले पनि चाँडै आफ्नो ह्यान्डसेटमा एक यस्तै फीचर ल्याउने तयारी गरेको छ । एक्सडीए डेभलपर्सको एक नयाँ रिर्पोटमा कोरियन स्मार्टफोन मेकर कम्पनी सामसङ यस्तै शेयरिंग फीचरमा काम गरिरहेको देखाएको छ । रिर्पोटले यस शेयरिंग फीचरको नाम ‘क्वीक शेयर'(Quick Share) हुन सक्ने बताएको छ ।

एक्सडीए डेभलपर्सको रिर्पोटमा उनिहरुलाई ग्यालेक्सी एस२० प्लसको एक्सेस भएको एक स्रोतको माध्यमबाट एपिके फाइल प्राप्त भएको बताइएको छ । एप अरु वन युआई १.०/१.५ वा वन युआई २ डिभाइसमा नदेखिएको उल्लेख छ । र यो फीचर दुरुस्तै आइफोनको फीचर एयरड्रप जसरी नै काम गर्ने रिर्पोटले जनाएको छ ।

रिर्पोटअनुसार यस फीचरको एपिके धेरै ग्यालेक्सी डिभाइसमा इन्स्टल गर्ने अप्सन रहेको तर सबै डिभाइसमा यो फंङ्गसनल नरहेको उल्लेख छ । यो एपीके टेस्ट डिभाइसको लागी नभएता पनि यसले डिभाइसहरुमा काम गर्नु एक अचम्मको कुरा भएको रिर्पोटमा जनाइएको छ ।

क्वीक शेयर फीचरले दुई तरिकाबाट काम गर्नेछ । पहिलो यसको सेटिंग्समा कन्ट्याक्टस ओन्ली लाई सेलेक्ट गर्नाले यो डिभाइसमा रहेको कन्ट्याक्टसहरुमा मात्रै फाईल शेयर गर्न सकिन्छ । जबकी एभ्रीवान को अप्सनलाई सेलेक्ट गर्दा सबै सर्पोटेड डिभाइसमा यसलाई स्क्यान गर्न सकिन्छ ।

यस फीचरलाई प्रयोग गर्नको लागी सामसङ प्रयोगकर्ताहरुले केहि समयको लागी सामसङ क्लाउड सेवाको प्रयोग गर्नुपर्ने हुन्छ । त्यसपछि फाइललाई सामसङ स्मार्ट थिङ्गस डिभाइसहरुमा स्ट्रीम गरिने छ । यस फीचरको सहयोगले प्रयोगकर्ताहरु २ जीबी सम्मका फाइलहरु शेयर गर्न सक्दछन् । एजेन्सी

प्रकाशित: १३ माघ २०७६, सोमबार

Comments are closed.

Loading...