ह्वावेले कोरोनाभाइरस विरुद्ध लड्न वुहानमा ५जी नेटवर्क बेस स्टेशनहरु जडान गर्दै

Technology Khabar १३ माघ २०७६, सोमबार

ह्वावेले कोरोनाभाइरस विरुद्ध लड्न वुहानमा ५जी नेटवर्क बेस स्टेशनहरु जडान गर्दै
Classic Tech

काठमाडौं । चिनियाँ टेलिकम जायन्ट ह्वावेले चीनमा देखिएको कोरोनाभाइरसको प्रकोप विरुद्ध लड्न आफ्नो ५जी टेक्नोलोजी उपलब्ध गराउने भएको छ ।

टेक कम्पनी ह्वावेले चीनको वुहान शहरमा निर्माण हुन लागेको अस्पताललाई आवश्यक हुनेगरि आफ्नो ५जी टेक्नोलोजी जडान गरेको छ । कम्पनीले हुवेई मोबाइल र हुवेई यूनिकमलाई ५जी लन्च गर्न आवश्यक ५जी बेस स्टेशन जडान गरेको हो ।

चीनमा कोरोना भाइरसको प्रकोपलाई नियन्त्रण गर्नेगरी चीन सरकारले द्रूत गतिमा अस्पताल निर्माण गरिरहेको छ र कम्पनीले सो अस्पतालका लागि आवश्यक पर्ने ५जी प्रविधि उपलब्ध गराउने भएको हो ।

ह्वावेले यसको लागि १५० जनाको वर्क फोर्स गठन गरेको छ भने सो समूहले केबल ३ दिनभित्रै आफ्नो ५जी बेस स्टेशनहरु तयार पारेको थियो । सो समूहले नेटवर्क प्लानिंग, सर्भे, डिजाइन र फाइबर निर्माण, बेस स्टेशन राख्ने र सेवा शुरु गर्ने कार्य गरेका थिए ।

हाल हुवेईका प्रमुख ३ अपरेटरहरुले सो निर्माणाधिन अस्पतालको नजिक आफ्नो ५जी नेटवर्क शुरु गरिसकेका छन् । सो ५जी सेवाले अस्पताललाई उच्च गतिमा डाटा पहुँच, डाटा संकलन, रिमोट कन्सल्टेशन, रिमोट मनिटरिंग र अन्य सेवाहरु दिन सहयोग गर्नेछ ।

यस बाहेक ह्वावेले सो अस्पतालका लागि आवश्यक पर्ने भिडियो कन्फ्रेन्स सिस्टमको लागि समेत सेवा उपलब्ध गराउने छ ।

यसअघि अर्को टेक कम्पनी लेनोभोले पनि सो अस्पतालका लागि आवश्यक आईटी उपकरणहरु प्रदान गरेको थियो । एजेन्सी

प्रकाशित: १३ माघ २०७६, सोमबार

Comments are closed.

Loading...