रसियाको यो वर्षको पहिलो अन्तरिक्ष प्रक्षेपणमा ढिलाई, प्राबिधिक गडबडी देखियो

Technology Khabar १३ माघ २०७६, सोमबार

रसियाको यो वर्षको पहिलो अन्तरिक्ष प्रक्षेपणमा ढिलाई, प्राबिधिक गडबडी देखियो
प्रतिकात्मक
Classic Tech

काठमाडौं । रसियाको सोयुज–२.१ए वाहक रकेटद्धारा एक सैन्य भू–उपग्रह (स्याटेलाइट) को प्रक्षेपणमा प्रविधिक गडबडीको कारणले ढिलाई भएको छ ।

यसलाई रसियाको २०२० को पहिलो भु–उपग्रह प्रक्षेपण मानिएको छ । अन्तरिक्षसँग जोडिएको एक स्रोतले टास (रसियन समाचार संस्था ) समाचार एजेन्सीलाई यस प्रक्षेपणलाई २४ घण्टाको लागी रद्द गरिएको जानकारी दिएको छ ।

स्रोतको अनुसार, प्लेसेत्स्क प्रक्षेपण केन्द्र मेरिडियन भु–उपग्रहसँगै सोयुज २.१ए वाहक रकेटको प्रक्षेपण तीन सम्भावित प्राबिधिक गडबडीलाई मध्यनजर गर्दै प्रक्षेपण रद्द गरिएको हो ।

त्यस्तै अर्को एक स्रोतको अनुसार यसलाई सायद अनिश्चित कालको लागी रद्द गरिन सक्ने जनाएको छ । उक्त स्रोतले प्रक्षेपण एक दिनका मात्र लागी नभई अनिश्चिकालको लागी रद्द गरिएको हुन सक्ने बताएको छ ।

प्रक्षेपण रद्द गर्ने आदेश शुक्रवार बिहान १० बजे रकेटमा इन्धन भर्नु अघि दिइएको थियो । रसियन अन्तरिक्ष बलका कमान्डर कर्नल–जनरल अलेक्जेन्डर गोलोवले यसअघि रक्षा मन्त्रालयले वर्ष २०२० मा मेरिडियन भु–उपग्रह लाई लन्च गर्ने बताएका थिए ।

मेरिडियनको पहिलो प्रक्षेपण यसै लन्च प्याडबाट ११ डिसेम्वर २०१९ मा गरिएको थियो । मेरिडियन दास्रो पुस्ताको सञ्चार भू–उपग्रह हो जसले रसियन भू–उपग्रह मोलनिया र रादुगालाई विस्थापन गरेको थियो ।

सक्रिय भू–उपग्रहको जिवनकाल सात वर्ष सम्मको हुनेछ । एजेन्सी

प्रकाशित: १३ माघ २०७६, सोमबार

Comments are closed.

Loading...