रियलमीद्धारा १०,००० एमएएचको पावरब्याङ्क सार्वजनिक, बड्स एयर आइकोनीक कभर पनि आयो

Technology Khabar १२ माघ २०७६, आईतवार

रियलमीद्धारा १०,००० एमएएचको पावरब्याङ्क सार्वजनिक, बड्स एयर आइकोनीक कभर पनि आयो

काठमाडौं । चिनियाँ स्मार्टफोन निर्माता रियलमीले आफ्नो १०,००० एमएएच ब्याट्री पावरयुक्त पावर ब्याङ्क सार्वजनिक गरेको छ । कम्पनीले यसलाई आजबाट ई–कमर्स वेबसाइट र कम्पनीको आधिकारिक स्टोरमा बिक्रीका लागी सार्वजनिक गरेको हो ।

यो पावर ब्याङ्क ब्ल्यु कलर अप्सनसँगै सार्वजनिक भएको छ । यद्पी यो डिभाइस पहिले देखि नै रेड, ग्रे र यल्लो कलरमा उपलब्ध रहेको छ ।

यस डिभाइस डिजाइनको विषयमा साधारण रहेको छ । यसमा एकैपटक दुई स्मार्टफोन चार्ज गर्न सकिन्छ । यसमा युएसबी टाइप ए र युएसबी टाईप सी दुबै प्रकारको पोर्ट दिइएको छ । यसमा हाई पोलिमर लिथियम ब्याट्री लगाइएको छ । यस बाहेक यसमा टे वे इनपुट र आउटपुट पावरको सर्पोट रहेको छ ।

सेफ्टीको लागी कम्पनीले यसमा १२ लेयरको प्रोटेक्सन दिएको छ । यसमा आउटपुट ओभर भोल्टेज प्रोटेक्सनसँगै आउटपुट शट सर्किट प्रोटेक्सनसम्म दिएको छ । कम्पनीका अनुसार यो सुरक्षित रहेको र यसलाई ग्राहकहरुले ढुक्क भई प्रयोग गर्न सक्नेछन । यो तौलमा हल्का रहेको र यसलाई सजिलै बोक्न सकिने कम्पनीले बताएको छ । यसको खरिदमा कम्पनीले एक केबल पनि प्रदान गर्नेछ।

यसै नयाँ पावरब्याङ्क सँगै कम्पनीले रियलमी बड्स एयर आइकोनीक कभर पनि सार्वजनिक गरेको छ । यो ह्वाइट, क्लासिक ब्ल्यु, ब्ल्याक र यल्लो कलरहरुमा उपलब्ध रहेको छ । यसलाई बिक्रीको लागी २८ जनवरीबाट उपलब्ध गराइने छ । एजेन्सी

प्रकाशित: १२ माघ २०७६, आईतवार

Comments are closed.

Loading...