विश्वकै पहिलो १६ जीबी र्याम भएको गेमिङ्ग स्मार्टफोन ‘ब्ल्याक शार्क ३’ आउँदै

Technology Khabar २८ पुष २०७६, सोमबार

विश्वकै पहिलो १६ जीबी र्याम भएको गेमिङ्ग स्मार्टफोन ‘ब्ल्याक शार्क ३’ आउँदै

काठमाडौं । शाओमीको गेमिङ्ग स्मार्टफोन ब्राण्ड ब्ल्याक शार्कले चाँडै आफ्नो नयाँ स्मार्टफोन लन्च गर्न गर्ने भएको छ ।

मिडिया रिर्पोटकाअनुसार चीनमा ब्ल्याक शार्क ३ सर्टिफाइड भइसकेको छ । यस मोबाइलमा १६ जीबी ¥याम हुनसक्ने जानकारी अगाडि आएको छ । स्मरण रहोस ब्ल्याक शार्क कम्प‍नी गेमिङ्ग स्मार्टफोन बनाउने कम्पनीको रुपमा चिनिन्छ ।

अक्सर स्मार्टफोनको पहिचान उसको र्यामपब र प्रोसेसरबाट नै हुने गर्दछ । अहिले बजारमा बढिमा १२ जीबी र्याम भएको स्मार्टफोनहरु उपलब्ध रहेका छन् ।तर यो स्मार्टफोनमा भने १६ जीबीको र्याम हुने चर्चा रहेको छ ।

ब्ल्याक शार्क ३ स्मार्टफोनको सर्टिफिकेशनको जानकारी कमै दिइएको छ । जो मानिस आफ्नो स्मार्टफोनमा बढि गेम खेल्न मन पराउँछन यस खबरले उनिहरुको उत्सुकता भने बढाइदिएको छ । यसबाहेक फोनमा ४७०० एमएएच ब्याट्री हुन सक्ने बताईएको छ ।

ब्ल्याक शार्क ३ मा स्न्यापड्रयागन ८६५ प्रोसेसर राखिनेछ भने फोनमा ३० वाटको फ्ल्यास चार्जिङ टेक्नोलोजी हुन सक्दछ । तर फोनको क्यामरा, डिजाइन, स्क्रीन साइजको बारेमा अहिलेसम्म केहिपनि जानकारी अगाडि आएको छैन ।

कम्पनीले यसअघि ब्ल्याक शार्क २ प्रो स्मार्टफोन पनि सार्वजनिक गरेको थियो । ब्ल्याक शार्क ३ लाई ब्ल्याक शार्क २ को अपडेट भर्सनको रुपमा मानिएको छ । ब्ल्याक शार्क २ प्रो गत वर्ष जुलाइमा सार्वजनिक भएको थियो । सो स्मार्टफोनमा स्न्यापड्रयागन ८५५ प्रोसेसर दिइएको थियो, साथै ४००० एमएएच पावरको ब्याट्री रहेको थियो ।

प्रकाशित: २८ पुष २०७६, सोमबार

Comments are closed.

Loading...