अपटेड समाचार

विश्वको सबैभन्दा सानो ३जी फीचर फोन यस्तो छ, बजार मूल्य साढे १४ हजार डलर पर्ने

काठमाडौं । टेक कम्पनीहरुले एक से एक ठूला साइजका स्मार्टफोन बजारमा सार्वजनिक गरिहेका छन् । तर त्यहि बिचमा जिनी मोबाइल्सले  भने संसारकै सबैभन्दा सानो फोन जेन्को टाइनी टि २ सार्वजनिक गरको छ ।

यो फोन आफ्नो सानो साइजकै कारण अहिले विश्वभर चर्चाको बिषय बनेको छ । किनभने यो फोन एउटा औलाको साइज बराबर मात्रै रहेको छ ।

यो फोन जेन्को टाइनी टि १ को नै अपग्रेटेड भर्जन हो र यसमा प्रयोगकर्तालाई कुल १४ फिचर्ससँगै क्यामराको पनि सुविधा पाउँछन् । कम्पनीले यस डिभाइसलाई अमेरिकामा किकस्टार्टरअन्तरगत सार्वजनिक गरेको छ । ग्राहकले यसलाई कम्पनीको आधिकारीक वेबसाइटको माध्यमबाट बुक गराउन सक्छन् ।

हेर्नमा यो एक सानो फीचर मोबाइल फोन हो, तर यसको मुल्य सुनेर तपाईँ साच्चै अच्चम्ममा पर्नुहुन्छ । कम्पनीले यस फोनको मुल्य १४ हजार ५०३ अमेरीकी डलर राखेको छ ।

विश्वको सबैभन्दा सानो ३जी मोबाइल फोन जेन्को टाइनी टि २ बाट फोटोग्राफी पनि गर्न सकिनेछ । यस मोबाइल फोनमा फोटो र भिडियो सुट गर्न सकिन्छ। फोटोग्राफीको लागी डुअल फ्रन्ट र रियर क्यामरा रहेको छ ।

यसको अलवा यसमा माइक्रोएसडि कार्ड स्लट पनि दिईएको छ । जहाँ ३२जीबी सम्मको माइक्रोएसडि कार्ड प्रयोग गरेर यसको स्टोरेज बढाउन पनि सकिन्छ । फोटो क्लिक गरेपछि प्रयोगकर्ताले एसडी कार्डको मद्दतबाट फोटो सिधै आफ्नो अर्को फोनमा ट्रान्सफर गर्नपनि सक्छन् ।

नयाँ जेन्को टाइनी टि २ मोबाइल फोनमा एफएम रेडियो, एमपी ३ र एमपी ४ फाइल्स, प्ले रेट्रो गेम, अलार्म क्लक र क्यालेन्डर जस्ता बिशेषताहरु दिइएको छ । यससँगै फोनमा सेफ्टीको लागि एसओएस फिचर पनि दिईएको छ । यतिमात्रै हैन प्रयोगकर्ताले टक एन्ड टेक्स्ट फिचरको मद्दतबाट केवल बोलेर नै म्यासेज टाइप गर्न सक्छन्।

यस मोबाइल फोनमा लगाइएको ब्याट्री फुल चार्ज गरेपछि पुरा ६ घण्टा आरामले चल्न सक्छ, कम्पनीको दाबी अनुसर ब्याट्रीको स्टान्डबाई टाइम भने सात दिन रहेको छ । एजेन्सी

Leave a Reply