ध्यान दिनुस् यी पाँच कारणहरुमा, जसले तपाईँको मोबाइल फोनको ब्याट्री लाइफ चाँडै सकिन्छ

Technology Khabar २६ पुष २०७६, शनिबार

ध्यान दिनुस् यी पाँच कारणहरुमा, जसले तपाईँको मोबाइल फोनको ब्याट्री लाइफ चाँडै सकिन्छ

काठमाडौं । अधिका‌श समय स्मार्टफोनको ब्याट्री किनेको छ महिना देखि नै बिग्रन थाल्छ। फुल चार्ज गर्दागर्दै पनि ब्याट्री एक दिन पुरा चल्दैन् । यतिमात्र हैन एक वर्षसम्ममा त ब्याट्रीले काम नै गर्न छोड्छ । ब्याट्री यति छिटो डाउन हुन्छ कि दिनमा बारम्बार फोनलाई चार्जमा राख्नु पर्ने हुन्छ । ब्याट्री यस्तो हुनुको कारणको जिम्मेवार हामी नै हौ र यसका कयौं कारणहरु हुन्छन, जसलाई हामी देख्दादेख्दै पनि वेबास्ता गरीदिन्छौ ।

एक रिर्पोटले ब्याट्री यस्तो हुनुको पछाडिको मुख्य पाँच कारणहरु देखाएको छ । ती कारणहरु यस्ता छन्-

ओभर चार्जिङ्ग

हामीमध्ये धेरैको बानी छ फोनको चार्ज १०० प्रतिशतबाट अलिकति कम हुनासाथ चार्जमा राखि हाल्ने । अक्सर मानिसहरु ४० देखि ५० प्रतिशत ब्याट्री हुँदापनि फोनलाई चार्जमा राखिहाल्छन् । जुन बिल्कुलै गलत हो । र ब्याट्री छिटो डाउन हुनुको प्रमुख कारणपनि यहि हो । जबसम्म ब्याट्री २० प्रतिशतमा आउँदैन, हतारिएर ब्याट्री चार्जमा हाली नहालौं । ध्यान रहोस् मोबाइल फोनलाई कहिल्यै पनि १०० प्रतिशत चार्ज हुँदासम्म चार्जमा नराखौं । ९० प्रतिशत पुगेपछि नै चार्जबाट निकालौ, यसो गर्दा ब्याट्री ज्यादा समयसम्म टिकाउ रहन्छ ।

धेरै ट्यावहरु

अक्सर हामी स्मार्टफोनको ब्राउजरमा धेरै ट्यावहरु खोल्ने गर्दछाै‌ं । हरेक वेबसाइटको लागी छुट्टाछुट्टै ट्याबल चलाएर त्यसलाई बन्द गर्न भुल्दछौं । यस्तो बेला ब्याकग्राउन्डमा ट्याव खुल्ला हुने हुनाले ब्याट्रीको काम बढाई दिन्छ, जसको कारणले ब्याट्री छिटो डाउन हुन थाल्दछ । यदि ब्याट्रीको लाइफ बढाउनु छ भने प्रयोग गरीसकेपछि यस्ता ट्यावहरु बन्द गर्ने बानि बसालौं ।

खतरनाक भाइब्रेट मोड

जो मान्छे आफ्नो मोबाइल फोनलाई जहिल्यै भाइब्रेशन मोडमा राख्छन, उनिहरुको फोनको ब्याट्री चाडैं नै डाउन हुन्छ । यो मोड फोन ब्याट्रीको साथसाथै मान्छेको लागी पनि खतरनाक छ । फोनको रिंग टोनको साटो भाइब्रेशनमा राख्दा ठिकै हुन्छ तर अन्य कामहरुमा पनि भाइब्रेशन गर्ने हुन्छ । उदाहरणको लागी तपाईँले किबाेर्डमा टाइप गर्दा भाइब्रेशन हुनसक्छ । यदि फोनलाई टच गर्दा या बटन दबाउँदा भाइब्रेशन हुन्छ भने त्यसलाई तत्काल बन्द गरौं । यसले पनि ब्याट्रीलाई खराब बनाउँछ ।

नक्कली चार्जर

कम्पनीले मोबाइल फोनका साथमा एउटा चार्जर बक्सभित्रै दिएको हुन्छ । यदि कुनै मोबाइल बक्समा छैन भनेपनि छुट्टै किन्ने सुबिधा हुन्छ । त्यसैले जहिले पनि मोबाइल फोनलाई सेटकै चार्जरले चार्ज गर्ने गरौं । कुनै अर्को फोनको चार्जर प्रयोग गर्दा फोनको ब्याट्रीमा ठुलो असर पुग्दछ । अझ नक्कली र गुणस्तरहिन चार्जरको प्रयोग त फोनको लागी खतरनाक साबित हुन सक्छ।

मोबाइल डाटा सधै अन

हर समय फोनको डाटा नेटवर्क अन राख्नाले फोनको ब्याट्री खपत बढ्दछ । किनभने डाटा मोड अन हुँदा फोनको ईमेल फोल्डर हर समय अपडेट हुन्छ । यसबाहेक डाटा प्रयोग हुँदा पनि ब्याट्री पावर प्रयोग हुन्छ । जसको कारणले ब्याट्रीको काम बढ्न पुग्छ, र फोन ब्याट्री चाडैं नै डाउन हुन पुग्दछ ।

त्यसैले माथि उल्लेखित यी विषयहरुमा ध्यान दिनुभयो भने तपाईँको मोबाइल फोनको ब्याट्री अधिक समयसम्म सुरक्षित हुन्छ भने छिटोछिटो चार्ज गर्नुपर्ने समस्या पनि समाधान हुन्छ ।

प्रकाशित: २६ पुष २०७६, शनिबार

Comments are closed.

Loading...