नोकियाले ५जी नेटवर्क निर्माणको ६३ वटा व्यवसायीक सम्झौता हात पारेको घोषणा

Technology Khabar २५ पुष २०७६, शुक्रबार

नोकियाले ५जी नेटवर्क निर्माणको ६३ वटा व्यवसायीक सम्झौता हात पारेको घोषणा

काठमाडौं ।

काठमाडौं । टेलिकम नेटवर्क उपकरण निर्माता कम्पनी नोकियाले विश्वभर ५जी नेटवर्कको कामको लागि ६३ वटा ठेक्का हात पारेको घोषणा गरेको छ ।

फिनिस कम्पनीले ईण्ड टू ईण्ड ५जी सोलुसनको डेलिभरीमा ग्लोबर लिडरको रुपमा स्थापित गर्दै लगेको छ ।

कम्पनीले ५जी कन्ट्र्याक्टको लागि एटि एण्ड टी, कोरिया टेलिकम, एल यूप्लस, एनटिटि डोकोमो, एसके टेलिकम, सफ बैंक, स्प्रीन्ट, एटिसी, टि मोबाइल यूएस, भेरिजोन, भोडाफोन इटाली र जैन साउदी जस्ता कम्पनीहरु क्लाइन्टको रुपमा पाएको छ ।

‘यो कोशेढुंगाले हाम्रो ५जी पोर्टफोलियोमा गुणस्तर र ग्राहकहरुको सुनिश्चिन्तता देखिएको छ र हामी यो वर्ष अझै थप कयौं नयाँ डिलहरु गर्ने अपेक्षा गरेका छौं,’ नोकियाका मोबाइल नेटवर्कसका प्रेसिडेन्ट टम्मी यूईटोले भने ।

६३ वा व्यवसायीक सम्झौताहरुमध्ये अन्य प्रकारका ५जी एग्रीमेन्टहरु भने समावेश छैनन्, जसमा भुक्तानी गरेर गरिने नेटवर्क परीक्षण, पाईलट्स वा डेमोस्ट्रेसनहरु छैनन् । यदि यस्ता प्रकारका सम्झौताहरुलाई पनि जोड्ने हो भने ५जी सम्झौताहरु १०० भन्दा बढि पुग्ने कम्पनीको भनाई छ ।

नोकियाको उत्पादनहरु र सेवाहरुले नेटवर्क अपरेटरहरुलाई ५जी क्षमताहरुका लागि महत्वपूर्ण हुने दाबी गरेको छ ।

नोकियासँग ४जीका लागि ३५० भन्दा बढि ग्राहकहरु छन भने पहिलो ६३ वटा ५जी ग्राहकहरुले विश्वको रेडियो एक्सेस नेटवर्कस बिजनेसको दुई तिहाई प्रतिनिधित्व एउटा वर्षमा गर्ने देखिन्छ ।

यी ६३ वटा सम्झौताहरु लो ब्याण्ड, मिडिल ब्याण्ड र हाई ब्याण्ड तथा परम्परागत र क्लाउड नेटवर्क आर्किटेक्चरहरुमा आधारित रहेका छन् । जसले गर्दा बाँकी विश्वका लागि अतुलनिय अनुभव र भित्रि दृष्टिकोण प्राप्त भएको र त्यसले फाइदा गराउने कम्पनीको भनाई छ ।

नोकियासँग ५जी नेटवर्कको सम्पूर्ण तत्वहरुलाई समावेश गर्ने ईण्ड टू ईण्ड प्रडक्ट पोर्टफोलियो रहेको छ, जसमा रेडियो, कोर, क्लाउड र ट्रान्सपोर्टका साथसाथै म्यानेजमेन्ट, अटोमेसन र सेक्यूरिटी पर्दछन् ।

नोकियाका ५जी ग्राहकहरुमध्ये करिब ६० प्रतिशतले कम्पनीको ईण्ड टू ईण्ड प्रडक्ट पोर्टफोलियोबाट न्यू रेडियो छनौट गरेका छन् ।
कम्पनीले स्ट्याण्डर्डका लागि आफ्नो पहिलो घोषणा गरेको अर्को वर्ष नै ५जी सेवाहरुका लागि आवश्यक पर्ने २ हजार भन्दा बढि ५जी पेटेन्टहरु दर्ता गरेको छ । एजेन्सी

easy care

प्रकाशित: २५ पुष २०७६, शुक्रबार