अपटेड समाचार

ट्विटको रिप्लाई कस्ले दिन पाउँछ भन्ने निर्णय अब प्रयोगकर्ताकै हातमा, ट्विटरले नयाँ फिचर परीक्षण गर्ने

काठमाडौं । ट्विटरले अब आफ्ना यूजर्सलाई नै ट्विटको कमेन्ट नियन्त्रण गर्ने सुबिधा दिने भएको छ ।

ट्विटर इंकले यो वर्षको शुरुवातमा नै नयाँ फिचर परीक्षण गर्ने र जसले यूजर्सलाई नै उनीहरुको ट्विटमा कसले रिप्लाई गर्नसक्नेछ भन्ने नियन्त्रणको सुविधा दिने बुधबार बताएको हो ।

कम्पनीले अनलाइन प्लेटफर्मको दूरुपयोग र उत्पीडनलाई सिमित गर्न सहयोगी हुने अपेक्षा गरेको छ ।

पछिल्ला दिनहरुमा सामाजिक मिडियाहरु उनीहरुको साइटमा हुने उत्पीडन र दूव्र्यवहारलाई सम्बोधन गर्ने दबाबमा रहँदै आएका छन् । विशेष गरि महिलाहरु र अल्पसंख्यकहरुका विरुद्ध उत्पीडन देखिने गरेको छ ।

ट्विटरका सिईओ ज्याक डोर्सीले सन् २०१८ देखि नै सार्वजनिक संवाद र कुराकानी स्वस्थ हुनुपर्नेमा जोड दिँदै आएका छन् ।

‘हामी ट्विटरमा हुने कुराकानीहरुमा सहभागी हुँदा सुरक्षित अनुभव गराउन सहयोग गर्न चाहन्छौं र यसको लागि उनीहरुलाई नै शुरु गरेको कुराकानीमा थप नियन्त्रण प्रदान गर्दछौं,’ कम्पनीले ट्विटमार्फत भनेको छ ।

सन् २०१९ को अन्त्यतिर नै ट्विटरले यूजर्सलाई केहि निश्चित रिप्लाईहरु नदेखिने बनाउन सकिने फिचर लन्च गरेको थियो ।

रिपोर्टहरुका अनुसार यूजर्सले विभिन्न चार किसिमका रिप्लाईहरु सेटिंग्स गर्न सक्नेछन्, जसमा ग्लोबल, ग्रुप, प्यानल र स्टेटमेन्ट रहेका छन् । यस्ता सेटिंगमध्ये स्टेटमेन्टमा कुनै रिप्लाई गर्न सकिँदैन भने ग्लोबलमा जो सुकैले रिप्लाई गर्न सक्नेछ । एजेन्सी

Leave a Reply