अनलाइनमार्फत नै बीमा कम्पनीहरुलाई निर्देशन दिने सिस्टम राख्दै बीमा समिति

Technology Khabar २४ पुष २०७६, बिहीबार

अनलाइनमार्फत नै बीमा कम्पनीहरुलाई निर्देशन दिने सिस्टम राख्दै बीमा समिति
फाइल फोटो
Classic Tech

काठमाडौं । बीमा समितिले बीमा कम्पनीहरुलाई नियमन गर्न अनलाइन प्रणाली अपनाउने भएको छ । हाल भौतिकरुपमा पत्र पठाएर निर्देशन तथा आदेशहरु जारी गरिरहेको बीमा समितिले अबदेखि भने अनलाइनमार्फत त्यस्तो निर्देशनहरु तथा आदेशहरु बीमा कम्पनीलाई दिने योजना लिएको छ ।

यसको लागि हालै बीमा समितिले इन्स्योरेनस रेगुलेटरी म्यानेजमेन्ट इन्फर्मेसन सिस्टम (आरआरएमआईएस) जडान गर्न टेण्डर माग गरेको छ ।

समितिकाअनुसार सो सिस्टममार्फत आगामी दिनमा बीमा कम्पनीहरुलाई राष्ट्र बैंकको जस्तैगरि अनलाइनमार्फत नै निर्देशनहरु तथा आदेशहरु दिईनेछ । यसको लागि समितिले सबै बीमा कम्पनीहरुलाई यूजरनेम र पासवर्ड उपलब्ध गराउने छ । यस्तो निर्देशनहरु दिँदा वा बीमा कम्पनीहरुबाट सूचना तथा जानकारीहरु लिँदा रियल टाइममा नै हेर्न सकिने हुन्छ ।

आरआरएमआईएस सम्बन्धि सफ्टवेयर टेण्डर पार्ने कम्पनीले तोकिएको आधारमा सेवाहरुसहितको सफ्टवेयर उपलब्ध गराउनुपर्नेछ ।

बीमा समितिका सूचना अधिकारी निर्मल अधिकारीले बीमा समितिमा सूचना उपलब्ध गराउने किसिमको सफ्टवेयर निर्माण गर्न लागिएको जानकारी दिए ।

सो सिस्टम राख्नका लागि करिब २० लाख रुपैयाँ बजेट छुट्याईएको बताईएको छ । समितिले आगामी आर्थिक वर्षको शुरुवातदेखि सो प्रणाली संचालनमा ल्याउने योजना लिएको छ ।

हाल नेपाल राष्ट्र बैंकले यस्तो सिस्टममार्फत आफ्ना मातहतका वित्तीय संस्थाहरुलाई निर्देशन तथा अनुगमन गर्ने गरेको छ भने बैंकहरुबाट पनि सोहि प्रणालीमार्फत रिपोर्टहरु प्राप्त गर्दै आएको छ ।

प्रकाशित: २४ पुष २०७६, बिहीबार

Comments are closed.

Loading...