मुगु जिल्लाको अवरुद्ध संचार सेवा शुरु गर्न टेलिकमका प्राविधिक खटिए, भोलीसम्म संचालन गरिने

Technology Khabar २२ पुष २०७६, मंगलवार

मुगु जिल्लाको अवरुद्ध संचार सेवा शुरु गर्न टेलिकमका प्राविधिक खटिए, भोलीसम्म संचालन गरिने
फाइल

काठमाडौं । नेपाल टेलिकमले मुगु जिल्लामा हिमपातले अवरुद्ध भएको संचार उपकरणहरु तत्काल मर्मत गर्ने जनाएको छ । कम्पनीले हाल मुगु जिल्लामा सिडिएमए प्रविधिबाट संचार सेवा उपलब्ध भएको र अन्य सेवाहरु तत्काल मर्मत गरेर संचालनमा ल्याउन प्राविधिकहरु खटाएको जानकारी दिएको छ ।

‘जीएसएम नेटवर्क मर्मत र संचार सेवा पुर्नस्थापनाका लागि टिम यसअघि नै गईसकेको छ, मौसम राम्रो भएमा तत्काल मर्मत र सेवा संचालन गर्ने प्रयास हुनेछ,’ नेपाल टेलिकमका प्रबन्ध निर्देशक डिल्लीराम अधिकारीले भने ।

उनकाअनुसार हिमपात रोकिएमा र मौसममा सुधार भएको खण्डमा प्राविधिकहरुले संभवत भोलीसम्म सेवा सुचारु गर्नेछन् ।

बिगत ४ दिनदेखि मुगुमा टेलिफोन र इन्टरनेट सेवा अवरुद्ध रहेको छ । जसले गर्दा सेवाग्राहीहरुले कठिनाई भोगिरहनुपरेको बताईएको छ ।

प्रकाशित: २२ पुष २०७६, मंगलवार

Comments are closed.

Loading...