सेवा प्रदायकले अनुमतिपत्र शर्तअनुसार मात्रै इन्टरनेट ग्राहकलाई फाराम भराउनुपर्ने, नत्र कारबाही

Technology Khabar १९ पुष २०७६, शनिबार

सेवा प्रदायकले अनुमतिपत्र शर्तअनुसार मात्रै इन्टरनेट ग्राहकलाई फाराम भराउनुपर्ने, नत्र कारबाही
फाइल फोटो: नेपाल दूरसञ्चार प्राधिकरणको पुरानो कार्यालय भवन

काठमाडौं । नेपाल दूरसंचार प्राधिकरणले इन्टरनेट(इमेल सहित)को सेवा संचालन गरिरहेका कम्पनीहरुले ग्राहकसँग गरिने सम्झौता प्राधिकरणबाट स्वीकृत भएअनुसार मात्र गराउन सम्पूर्ण इन्टरनेट सेवा प्रदायकहरुलाई भनेको छ ।

प्राधिकरणले इन्टरनेट सेवा संचालन तथा प्रदान गर्ने कम्पनीहरुले इन्टरनेट सेवाका ग्राहकहरुले भर्नुपर्ने आवेदन फाराम तथा ग्राहकसँग गरिने सम्झौता अनुसार गर्नु गराउन सबै कम्पनीहरुलाई सार्वजनिक सूचनामार्फत जानकारी गराएको छ ।

सो भन्दा फरक हुनेगरि शर्तहरु राखी इन्टरनेट सेवाका ग्राहकहरुलाई फाराम भराउँदा वा सम्झौता गर्दा इन्टरनेट सेवाको अनुमतिपत्रको शर्तअनुसार स्वीकृति लिनुपर्ने बारेमा समेत सचेत गराएको छ ।

यदि अनुमतिपत्रको शर्त बमोजिम कार्य नभएको पाईएमा इन्टरनेट सेवा प्रदायकहरुलाई दूरसंचार ऐन, नियम बमोजिम कारबाही गरिने चेतावनी समेत दिएको छ।

 

TK Viber

प्रकाशित: १९ पुष २०७६, शनिबार

Loading...