भारतमा केबल टिभीको शुल्क घटायो नियमनकारी निकायले, अब १३० भारुमा २०० वटा च्यानल

Technology Khabar १८ पुष २०७६, शुक्रबार

भारतमा केबल टिभीको शुल्क घटायो नियमनकारी निकायले, अब १३० भारुमा २०० वटा च्यानल
Male hand using Tv remote control

काठमाडौं । भारतमा अब ग्राहकहरुले सस्तो मूल्यमा डिजिटल केबल टिभी सेवा पाउने भएका छन् । हालै भारतको टेलिकम रेगुलेरट अथोरिटी अफ इण्डिया(ट्राई)ले अंग्रेजी नयाँ वर्षदेखि मानिसहरुलाई न्यूनतम शुल्कमा अधिकतम सेवा दिने नियम ल्याएको छ ।

ट्राईले हालै नयाँ नियमअनुसार मार्च १ २०२० देखि १३० भारुमा ग्राहकहरुले २०० वटा फ्रि टू एयर च्यानल हेर्न पाउने भएका हुन् । यसअघि १३० भारुमा केबल १०० वटा फ्रि टू एयर च्यानल मात्र हेर्न पाईने सुविधा थियो ।

ट्राईले सो नयाँ नियमलाई स्पष्ट पार्दै सरकारको सूचना तथा प्रशारण मन्त्रालयले अनिवार्य घोषित गरेको च्यानहरुलाई भने फ्रि च्यानलमा जोड्न पाईनेछैन् । यसमा दूरदर्शको २६ वटा च्यानल छन् ।

नयाँ ट्यारिफ पोलिसीअनुसार कुनैपनि केबल अपरेटरले आफ्नो एउटा प्लेटफर्ममा सबै फ्रि टू एयर च्यानलहरुका लागि १६० रुपैयाँ प्रति महिनाभन्दा अधिक असुल गर्न पाउने छैनन् ।

ट्राईले गत वर्ष भारतमा नयाँ शुल्क नियम लागू गरेको थियो जसले गर्दा ग्राहकहरुले केबल टिभी सेवा शुल्क बढेको गुनासो गर्दै आएका थिए । अब लागू भएको नियमअनुसार भने ग्राहकहरुले ती च्यानलहरुको मात्र रकम तिर्नुपर्नेछ जुन उनीहरुले हेर्न चाहेका छन् ।

ट्राईको नयाँ नियमअनुसार एउटै ग्राहकले दोस्रो वा अतिरिक्त कनेक्सन जोड्दा पनि ४० प्रतिशतको छुट घोषणा गरिएको छ । अहिलेसम्म दुबै कनेक्सनमा एउटै शुल्क तोकिएको थियो ।

प्रकाशित: १८ पुष २०७६, शुक्रबार

Comments are closed.

Loading...