उद्योगमा विद्युत आपूर्ति बन्द हुँदा सामसंगको चीप उत्पादन रोकियो, लाखौं डलर क्षतिको अनुमान

Technology Khabar १७ पुष २०७६, बिहीबार

उद्योगमा विद्युत आपूर्ति बन्द हुँदा सामसंगको चीप उत्पादन रोकियो, लाखौं डलर क्षतिको अनुमान

काठमाडौं । दक्षिण कोरियाली कम्पनी सामसंगले आफ्नो फ्याक्ट्रिबाट चीप उत्पादनलाई केहि समयको लागि रोकेको छ ।

कम्पनीले आफ्नोे ह्वासियोंग चीप कम्प्लेक्समा उत्पादन गर्दै आएको सेमीकण्डक्टर प्रडक्सनलाई प्लान्टमा विद्युत आपूर्ति बन्द भएको कारण रोकेको बुधबार जानकारी दिएको छ ।

सामसंगले डिर्याम र एनएएनडि फ्ल्याश चिप प्रडक्सन लाइनलाई क्षेत्रिय पावर ट्रान्समिसन केबलमा आएको समस्यापछि केहि दिनका लागि रोकेको हो । कम्पनीले सो समस्या समाधान हुन केहि दिन लाग्ने बताएको छ।

विश्वको सबैभन्दा ठूलो मेमोरी चीप मेकर कम्पनीले आफ्नो प्रडक्सन लाइन पुन शुरु गर्न जाँच गरिरहेको छ भने सो घट्नाबाट भएको क्षतिको अनुसन्धान हुँदैछ ।

सो पावर कटको समस्याले कम्पनीलाई लाखौं डलर क्षति भएको अनुमान गरिएको छ तर कुनैपनि मुख्य हानी नोक्सानी भने भएको छैन् ।

यसअघि सामसंगको पियोंगटाईक चीप प्लान्टमा सन् २०१८ मा आधा घण्टा बिजुली नहुँदा कम्पनीलाई करिब ४ करोड ३३.२ लाख डलर घाटा भएको रिपोर्टमा उल्लेख छ । एजेन्सी

प्रकाशित: १७ पुष २०७६, बिहीबार

Comments are closed.

Loading...