नेपाल भ्रमण वर्ष प्रबर्द्धन गर्न भाइबरमा स्टिकर उपलब्ध, स्टिकर प्रयोग गरेर नेपाल घुम्न बोलाउनुस्

Technology Khabar १७ पुष २०७६, बिहीबार

नेपाल भ्रमण वर्ष प्रबर्द्धन गर्न भाइबरमा स्टिकर उपलब्ध, स्टिकर प्रयोग गरेर नेपाल घुम्न बोलाउनुस्

काठमाडौं । भाइबरले नेपाल भ्रमण वर्षलाई सघाउने गरेर भाइबर स्टिकरहरु सार्वजनिक गरेको छ ।

नेपाल भ्रमण वर्षको अवसर पारेर बुधबार जनवरी १ तारिखमा आयोजित कार्यक्रमको अवसरमा राष्ट्रपति विद्यादेवी भण्डारीले भाइबर स्टिकरहरु अनावरण गरेकी थिईन् ।

भाइबरमा उपलब्ध सो स्टिकरहरुलाई ‘एक्सपेरियन्स नेपाल’ नाममा सार्वजनिक गरिएको छ जसमा १६ वटा फरक फरक स्टिकरहरु छन् ।

भिजिट नेपाल २०२० सचिवालयले तयार पारेको ती स्टिकरहरुमा गैँडा, यति, पाण्डा, अर्ना, बाघ लगायतका जनावरहरुको चित्रका साथमा नेपाल भ्रमणको संदेशहरु  रहेकोछ ।

ती भाइबर स्टिकरहरुमा ट्रेकिङ्ग, नेपाली टोपी, नेपाली परिकारको रुपमा दालभात र मःमः, जंगल टूर, लाइफटाइम एक्सपेरियन्स, हिमालय आरोहण, सूर्योदयलगायतलाई समावेश गरिएको छ ।

सो स्टिकर भाइबरको स्टिकर मार्केटमा जनवरी १ तारिखदेखि नै उपलब्ध छ भने त्यसलाई निशुल्करुपमा डाउनलोड गरेर प्रयोग गर्न सकिन्छ ।

भाइबरकाअनुसार यी स्टिकरहरु आगामी मार्च ३० तारिखसम्म उपलब्ध हुनेछन् । यी  स्टिकरहरु  मोबाइल  एपमा  मात्र  डाउनलोड  गर्न  सकिन्छ  ।

प्रकाशित: १७ पुष २०७६, बिहीबार

Comments are closed.

Loading...