राष्ट्रिय वाणिज्य बैंकद्धारा युवा लक्षित आरबिबि इम्पावरमेन्ट एकेडेमी कार्यक्रमको दोश्रो चरण शुरु

Technology Khabar १६ पुष २०७६, बुधबार

राष्ट्रिय वाणिज्य बैंकद्धारा युवा लक्षित आरबिबि इम्पावरमेन्ट एकेडेमी कार्यक्रमको दोश्रो चरण शुरु

काठमाडौं । राष्ट्रिय वाणिज्य बैंके देशकै सरकारी बैंकले विशेष गरी युवावर्गहरुको लागि गर्नुपर्ने सामाजिक उत्तरदायीत्व अन्तर्गत एक समारोह बिच आरबिबि इम्पावरमेन्ट एकेडेमी (RBB Empowerment Academy) को दोश्रो चरणको कार्यक्रम प्रदेश नं १ को लागि शुरुवात गरेको छ ।

फाईनान्सियल ट्रेनिङ्ग सेन्टरको रुपमा अगाडि लैजाने उद्देश्यले शुरु गरिएको यस एकेडेमीबाट युवावर्गलगायत सबैले लाभ लिन सक्नेछन् । एकेडेमीले २०७६ पौष १२ गते बाट नै निःशुल्क आवेदन दिन सक्ने गरी वित्तीय क्षेत्रमा रोजगारी पाउन तिन दिने टेक्निकल, बिहेबिरल र प्राक्टिकल बैंकिङ्ग विषयगत तयारी कक्षा २०७६ पौष २५ देखि २७ गते सम्म विराटनगरमा संचालन गर्दैछ । प्रदेश नं. १ अन्तर्गत स्नातक र स्नाकोत्तर डिग्री भएका कलेजका विधार्थीहरु (कुनै प्रकारको जबमा आवद्ध नभएको) लाई मात्र लक्षित गरी आवेदन आव्हान गरीएको छ ।

वित्तीय क्षेत्रमा आफ्नो करियर बनाउन चाहने युवा विदार्थीहरुले यसबाट भरपुर लाभ लिन सक्नेछन् । वित्तीय क्षेत्रका अनुभवी बैंकरहरुद्धारा निःशुल्क रुपमा दिइने छ ।

कार्यक्रममा बैंकका नायब प्रमुख कार्यकारी अधिकृत केशव प्रसाद लम्सालले ५५ वर्षको गर्वीलो इतिहास बोकेको सरकारी बैंकको नाताले युवा वर्गहरुको वृत्ति विकाशका लागि र समाजलाई केही योगदान दिने उद्देश्यले सामाजिक उत्तरदायित्व निर्वाह गर्दै यो तालिम संचालन गरिएको बताए । वित्तीय क्षेत्रमा आफ्नो करीयर बनाउन ठूलै शिक्षीत जमातहरु लालायीत भइरहेको परिप्रेक्षमा, रोजगार उन्मुख यस्ता किसिमका तालिमहरुले युवकहरुको वृतिविकाशमा धेरै सहयोग गर्ने उनले विश्वास ब्यक्त गरे ।

आवेदकहरुमध्ये निश्चित क्राइटेरीयाको आधारमा ५० जनालाई छानेर बैंकले उक्त तालीममा सहभागी गराई पेड इन्टर्नसीपमा निश्चत अवधिको लागि राख्नेछ । सम्भवतः नेपालमै पहिलो पटक बैंकले निशुल्क रुपमा आयोजना गरेको युवा लक्षित यस्तो किसिमको रोजगारी उन्मुख तालिमहरु निकट भविश्यमै बाकी प्रदेशहरुमा पनि संचालन गरीनेछ ।

यो कार्यक्रम प्रदेश नं ३ मा संपन्न भई तालीम लिएकाहरु हाल बैंकमा इन्टर्नको रुपमा आवद्ध रहेको बै‌ंकले जनाएको छ ।

प्रकाशित: १६ पुष २०७६, बुधबार

Comments are closed.

Loading...