ह्वावेको वार्षिक आम्दानी १८ प्रतिशतले बढ्यो, कम्पनीका लागि सन् २०२० कठिन वर्ष हुने प्रक्षेपण

काठमाडौं । ह्वावे टेक्नोलोजीले सन् २०१९ मा आफ्नो आम्दानी १८ प्रतिशतले वृद्धि भएको जानकारी दिएको छ । कम्पनीले सन् २०१९ मा १२१.७२ अर्ब अमेरिकी डलर आम्दानी गरेको छ जुन कम्पनीले यसअघि प्रक्षेपण गरेको भन्दा कम हो ।

अमेरिकी व्यापार प्रतिबन्धका कारण कम्पनीको वृद्धि र ख्यातीमा समस्या आएको छ जसले गर्दा कम्पनीको आम्दानीमा पनि असर परेको हो ।

विश्वको सबैभन्दा ठूलो टेलिकम नेटवर्क उपकरण निर्माता कम्पनी तथा विश्वको दोस्रो ठूलो स्मार्टफोन निर्माता कम्पनीलाई अमेरिकाले गएको मई देखि पूर्णरुपमा कालोसूचीमा राखेर कारोबारमा प्रतिबन्ध लगाएको छ ।

ह्वावेका रोटेटिंग चेयरम्यान एरिक झुले नयाँ वर्षको संदेशसँग सो तथ्यांक बताएका हुन् भने यनले आगामी सन् २०२० लाई कठिन वर्षको रुपमा उल्लेख गरेका छन् । कम्पनीले यो वर्षको पहिलो अर्धवार्षिकमा जस्तै तिब्र वृद्धि गर्ने अपेक्षा गरिएको थियो ।

यो वर्षको १८ प्रतिशत वृद्धि अघिल्लो वर्षको आम्दानीको १९.५ प्रतिशतको तुलनामा कम हो ।

‘बाहिरी वातावरण यसअघिको भन्दा निकै जटिल बन्दै गएको छ र विश्वको अर्थतन्त्रमा घट्दोक्रमले अझ समस्या हुनेछ,’ उनले भने ।

झुकाअनुसार ह्वावेले यो वर्ष २४ करोड यूनिटथ स्मार्टफोनहरु आपूर्ति गरेको थियो जुनयसअघिको तुलनामा २० प्रतिशत बढि हो । त्यसैगरि उनले सन् २०२० मा गो अल आउट नारासहित ह्वावे मोबाइल सर्भिसेज ईकोसिस्टम बनाउने बताए जसमा क्लाउड स्टोरेज र एप ग्यालरीलगायतका सर्भिसहरु हुनेछ र यसलाई चीनभन्दा बाहिरको बजारमा कम्पनीको स्मार्ट डिभाइसहरु बेच्ने आधार हुने बताईएको छ।