Technology Khabar १४ पुष २०७६, सोमबार
काठमाडौं ।
काठमाडौं । भीभोले आफ्ना स्मार्टफोनहरुका लागि नयाँ डिप्ले डिजाइनको पेटेन्ट दर्ता गरेको छ । चीनको इन्टेलेक्चूअल प्रोपर्टि अफिसमा दर्ता गरिएको नयाँ डिस्प्ले डिजाइनअनुसार चिनियाँ स्मार्टफोन ब्राण्ड भीभोले नयाँ क्यामरा डिजाइनराखेर डिस्प्ले डिजाइन दर्ता गरेको हो ।
भीभोले दर्ता गरेको सो डिस्प्ले डिजाइनका सबैमा ४ वटा क्यामरा डिजाइन रहेको छ । पेटेन्टअनुसार तीन फरक फरक किसिमका फूल स्क्रीन डिजाइनहरु रहेका छन जसमा पन्च होल क्यामरा डिस्प्लेभित्रै रहेका छन् । तर ती क्यामराहरु विभिन्न स्थानहरुमा राख्ने गरि पेटेन्ट दर्ता छ ।
पहिलो डिजाइनमा चार क्यामराहरु स्क्रीनको चारवटै कुनामा राखिने पेटेन्टमा छ र यो अलिक अनौठो लाग्ने देखिन्छ । दोस्रो डिजाइनमा चार क्यामरा होलहरुलाई दुई दुईवटा गरेर स्क्रीनको दायाँ र बाँया माथिल्लो भागमा राखिने देखिन्छ ।
तेस्रो डिजाइनमा भने दुई वटा क्यामराको जोडि यसअघिको दोस्रो डिजाइनमा जस्तै राखिनेछ तर यसमा दुबै क्यामराको बिचमा केहि ठाउँ हुनेछ र त्यसमा डिस्प्ले नै रहेको छ ।यी नयाँ डिजाइनहरु केबल पेटेन्ट मात्र भएको र यो भविश्यमा आउनसक्ने संभावनाको रुपमा लिईन्छ तर कहिलेकाँही कम्पनीले प्रयोगको लागि मात्र यस्तो पेटेन्टहरु दर्ता गर्ने गर्दछ ।
पछिल्लो समयमा अनस्क्रीन क्यामरा राख्ने प्रवृत्ति निकै लोकप्रिय रहेकोछ । त्यसैले पनि भीभोले स्क्रीनमा दुई वा त्यो भन्दा बढि क्यामरा सेन्सरहरु राखेर भविश्यमा आफूलाई सुरक्षित बनाउन खोजेको अनुमान गर्न सकिन्छ ।
प्रकाशित: १४ पुष २०७६, सोमबार