भीभो भी १७प्रो

आगामी २०२० को पहिलो त्रैमासमा भीभोले भी सिरिजमा भी १९ प्रो स्मार्टफोन लन्च गर्ने

काठमाडौं । स्मार्टफोन मेकर भीभोले गएको सेप्टेम्बरमा आफ्नो भी सिरिजअन्तरगत भीभो भी १७ प्रो स्मार्टफोन लन्च गरेको थियो । यो कम्पनीको पहिलो फोन थियो जसमा ड्यूल पपअप क्यामरा राखिएको थियो । त्यसको केहि समयपछि नै कम्पनीले भी १७ प्रो को लाइट भर्सन भी १७ नाममा सार्वजनिक गरेको थियो ।

यसमध्ये भीभो भी १७ प्रो नेपाली बजारमा पनि उपलब्ध रहेको छ भने भी १७ स्थानिय बजारमा लन्च नै भएन् ।

कम्पनीले यो स्मार्टफोनबाट राम्रो चर्चा बटुल्न सफल भएको थियो, अहिले भने कम्पनीको आगामी नयाँ अपग्रेड भर्सनको रिपोर्टहरु आउन थालेका छन् ।

हालै आएको एक रिपोर्टअनुसार कम्पनीले भीभो भी १९ प्रो र लाइट भर्सनमा भीभो भी १९ लन्च गर्ने तयारी गरेको छ । सो स्मार्टफोनहरु आगामी २०२० को पहिलो त्रैमासमा लन्च हुनसक्ने बताईएको छ ।

भारतमा आयोजना हुने क्रिकेट लीग आईपीएल टी २० टुर्नामेन्टको शुरुवातसँगै नयाँ स्मार्टफोन लन्च गर्ने तयारी गरेको हो । भीभो भारतीय आईपीएस टी २० टुर्नामेन्टको मुख्य प्रायोजक कम्पनी पनि हो ।

यसआधारमा हेर्दा कम्पनीले आगामी वर्ष फरवरीको अन्तिम सातादेखि मार्चको शुरुवातमा भारतमा पहिलो पटक लन्च गर्न सक्ने बताईएको छ । सो लन्चसँगै आइपीएलको अवसरमा सो नयाँ स्मार्टफोनहरुको प्रमोशन गरिने अनुमान गरिएको छ ।

हालसम्म भीभो भी १९ प्रो र भी १९ को स्पेशिफिकेसनको बारेमा भने जानकारीहरु आईसकेका छैनन् ।

सो नयाँ स्मार्टफोन ढिलो चाँडो नेपाली बजारमा पनि कम्पनीले लन्च गर्ने अनुमान गरिएको छ । किनकी भीभोले भी सिरिजका सम्पूर्ण फ्ल्यागशिप फोनहरु नेपाली बजारमा लन्च गर्दै आएको छ । एजेन्सी