गूगललाई फ्रान्सद्धारा १५ करोड यूरो जरिवाना, अनलाइन विज्ञापनमा एकाधिकार कायम गरेको आरोप

काठमाडौं ।

काठमाडौं । गूगललाई फ्रान्सको प्रतिस्पर्धा हेर्ने नियमनकारी निकायले विज्ञापनमा प्रतिस्पर्धाको विरुद्ध गएको भन्दै जरिवाना लगाएको छ ।
गूगलको एड्स पेजमा राखिएका विज्ञापन अस्पष्ट भएको भन्दै फ्रान्सका अधिकारीहरुले गूगललाई १५ करोड यूरो जरिवाना लगाएका छन् ।

यो जरिवाना फ्रान्स र अन्य यूरोपेली मुलुकहरुले प्रमुख अमेरिकी टेक कम्पनीहरु गूगल, फेसबुक, एप्पल र अमेजनलाई नियन्त्रण गर्ने किसिमले लगाईएको बताईएको छ । जहाँ प्रायजसो निकै कम ट्याक्स भुक्तानी गरिएको आलोचना हुँदै आएको छ ।

यसअघि सेप्टेम्बरमा पनि गूगलले ४ वर्ष अघि भएको वित्तीय ठगीलाई समाधान गर्न फ्रान्सेली नियमनकारीहरुलाई १ अर्ब यूरो तिर्न स्विकार गरेको थियो ।

फ्रेन्च कम्पिटिसन अर्थोरिटीकी प्रमुख इजाबेल डे सिल्भाले गूगलको अनलाइ विज्ञापन व्यवसायमा रहेको दबदबाको बारेमा बोल्दै यसलाई असामान्य भनेकि छिन् । जसमा अमेरिकी टेक कम्पनीले करिब ९० प्रतिशत बजार हिस्सा लिएको छ ।

उता गूगलले भने सो जरिवानाको विरुद्धमा पुनरावेदन गरिने बताएको छ ।

यो वर्षको जनवरीमा फ्रान्सको डाटा प्रोटेक्सन वाचडगले गूगललाई यूरोपियन यूनियन अनलाइन प्राइभेसी नियमहरु भंग गरेको आरोपमा ५ करोड यूरो जरिवाना गरेको थियो । एजेन्सी