मोटोरोलाको पहिलो पप अप सेल्फी क्यामरा भएको मोटोरोला वन हाइपर स्मार्टफोन सार्वजनिक

Technology Khabar २० मंसिर २०७६, शुक्रबार

मोटोरोलाको पहिलो पप अप सेल्फी क्यामरा भएको मोटोरोला वन हाइपर स्मार्टफोन सार्वजनिक

काठमाडौं । स्मार्टफोन मेकर मोटोरोलाले आफ्नो नयाँ स्मार्टफोन मोटोरोला वन हाइपर लन्च गरेको छ । कम्पनीले मिड रेन्जमा ल्याएको यो स्मार्टफोन पप अप सेल्फी डिजाइनमा रहेको छ । कम्पनीले पहिलो पटक यस्तो डिजाइनमा स्मार्टफोन ल्याएको हो ।

पप अप सेल्फी क्यामरा ३२ मोगपिक्सेलको राखिएको छ भने यो मोटोरोला फोनमा भएको मध्ये सबैभन्दा धेरै रिजोलुसन भएको सेल्फी क्यामरा फोन समेत भएको छ । फोटो खिच्नका लागि फोनमा ६४ मेगापिक्सेलको मुख्य क्यामरा प्लस ८ मेगापिक्सेलको अल्ट राखिएको छ भने यसमा लेजर अटोफोकस सिस्टम रहेको छ ।

यो फोनको क्यामराले लो लाइटमा फोटो खिच्नका लागि नाइट भिजन फीचर राखिएको छ ।

मोटोरोला वन हाइपरमा ६.५ इन्चको आईपिएस एलसिडी टोटल भिजन डिस्प्ले राखिएकोछ । यसको पछाडिको भागमा फ्रिंगरप्रिन्ट स्क्यानर रहेको छ ।

फोनलाई चार्ज गर्नको लागि ४,००० एमएएचकोब्याट्री प्याक छ भने यसमा हाइपर चार्जिंग टेक्नोलोजी रहेको छ जसमा मोटोरोलाको ४५ वाट वायर्ड चार्जिंग राखिएको छ । यसले १० मिनेटमा १२ घण्टासम्मको लागि आवश्यक चार्ज प्रदान गर्ने कम्पनीको दाबी छ । तर सो चार्जर छुट्टै किन्नुपर्नेछ भने बक्समा १५ वाटको चार्ज मात्र उपलब्ध हुन्छ ।फोनमा स्न्यापड्रागन ६७५ चीपसेट राखिएको छ भने यो फोन ४ जीबी र्याम र १२८ जीबी स्टारेज अप्सन सहित आउँछ । एन्ड्रोयड १० ओएसमा संचालन हुने यो फोनमा मोटोरोलाको आफ्नै विभिन्न फीचरहरु राखिएका छन् ।

हाल यो फोन अमेरिका र ब्राजिलमा मात्र उपलब्ध भएको छ जसको मूल्य ४०० अमेरिकी डलर तोकिएको छ । मोटोरोला वन हाइपर ब्लू ओसियन, एम्बेर रेड, फ्रेस अर्किड कलर अप्सनमा उपलब्ध हुनेछ ।

प्रकाशित: २० मंसिर २०७६, शुक्रबार

Comments are closed.

Loading...