शाओमी रेडमी के३० मा स्न्यापड्रागन ७६५जी चीपसेट हुने, ६४ मेगापिक्सेलको मुख्य क्यामरा

काठमाडौं । आगामी साता लन्च हुने तयारीमा रहेको शाओमीको रेडमी के३० सिरिजमा कम्पनीले क्वालकमको भर्खर मात्रै सार्वजनिक भएको स्न्यापड्रागन ७६५जी चीपसेट प्रयोग हुने भएको छ ।

कम्पनीले डिसेम्बर १० तारिखमा रेडमीको सो नयाँ फ्ल्यागशिप स्मार्टफोन सार्वजनिक गर्दैछ ।

सो स्मार्टफोनमा क्वालकमको नयाँ चीपसेट हुनेछ जसमा मल्टिमोड ५जी इन्टिग्रेसन रहनेछ । जसले ३.७ गीगाबाईट प्रति सेकेण्डको दरमा डाउनलोड स्पीड दिन्छ । संभवत यो स्मार्टफोन क्वालकमको नयाँ चीपसेट प्रयोग गर्ने पहिलो स्मार्टफोन हुनेछ । यसमा क्वालकमको पाँचौं पुस्ताको एआईई आर्टिफिसियल इन्टेलिजेन्स इन्जिन प्रयोग गरिनेछ ।

रेडमी के३० स्मार्टफोनमा ६.६७ इन्चको डिस्प्ले हुनेछ भने यसको माथिल्लो दायाँ भागमा ड्यूल सेल्फी क्यामरा राखिनेछ ।
शाओमीकाअनुसार रेडमी के३० को पछाडिको भाग फ्रोस्ट ग्लासबाट निर्मित हुनेछ ।

फोनमा फिंगरप्रिन्ट सेन्सर, ड्यूल पन्च होल फ्रन्ट क्यामरा र १२ एन्टेना डिजाइन हुनेछ ।

कम्पनीले फोटोग्राफीका लागि सो फोनमा ६४ मेगापिक्सेलको मेन क्यामराका साथमा ८ मेगापिक्सेल प्लस, ५ मेगापिक्सेल प्लस, २ मेगापिक्सेलको क्यामरा सेन्सर हुनेछ ।